Iran 48 saǵat ishinde Izraılge soqqy berýi múmkin: sheteldikter elden ketip jatyr

<p>ASTANA. KAZINFORM &mdash; Iran Izraılge soqqy berýi múmkin.&nbsp; AQSh Memlekettik hatshysy Entonı Blınken odaqtastaryna 48 saǵat ishinde shabýyl jasaý múmkindigi&nbsp; týraly eskertti, dep jazady<a href="https://ru.euronews.com/2024/08/05/middle-east-tensions?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener"> Euronews.</a></p>

Amerıkalyq aqparat kózderine sáıkes, Iran men onyń odaqtastary tarapynan Izraılge shabýyl jasalýy múmkin. Izraıl bıligi kez kelgen stsenarııge daıyn ekenin málimdedi.

Aımaqtaǵy qaqtyǵystyń órshýinen qaýiptenip, Frantsııa basqa batys elderi sııaqty óz azamattaryn Lıvannan tez arada ketýge shaqyrdy.

Buǵan deıin habarlaǵanymyzdaı, QR Syrtqy ister mınıstrligi qazaqstandyqtarǵa Izraıl men Lıvanǵa barýdan ýaqytsha bas tartýdy usyndy.

«Qazirgi ýaqytta atalǵan elderde júrgen Qazaqstan azamattarynan asa qajettilik bolmasa úılerinen shyqpaýdy, qaýipsizdik sharalaryn barynsha kúsheıtýdi, saqtyq pen qyraǵylyq tanytýdy, sońǵy jańalyqtardy qadaǵalaýdy, sondaı-aq Qazaqstan Syrtqy ister mınıstrligi jáne Izraıl men Lıvandaǵy elshilikterimen baılanysta bolýdy suraımyz», - delingen mınıstrlik habarlamasynda.