Izmırdegi zilzala qurbandarynyń sany 116 adamǵa jetti

IZMIR. ANADOLY –QazAqparat – Túrkııanyń batysynda bolǵan 6,6 baldyq jer silkinisi qurbandarynyń sany 116 adamǵa jetti. Bul týraly Túrkııa úkimeti janyndaǵy Tótenshe jaǵdaılardyń aldyn alý jáne saldaryn joıý basqarmasy (AFAD) málimdedi, dep habarlaıdy QazAqparat Anadoly agenttigine silteme jasap.

AFAD málimeti boıynsha, 30 qazandaǵy jer silkinisinen keıin jalpy sany 3630 aftershok tirkelgen. Onyń 48-iniń magnıtýdasy 4 baldan asty.

Mekeme málimetinshe, jaralanǵan 1034 adamnyń 1021-i aýrýhanadan shyǵaryldy, 8 adam em alyp jatyr.

Burynǵy memlekettik qyzmetker, zeınette bolǵan Nýrdjan Hıchıylmaz Tosýn Egeı ýnıversıtetiniń medıtsına fakýltetiniń aýrýhanasynda emdelip jatqan bolatyn. Keshe jaǵdaıy kúrt nasharlap, ómirden ótti.

Onyń máıitin jubaıy Mýrat Tosýnon Ankaraǵa jetkizip, aqtyq saparǵa shyǵaryp saldy.

Túnde 00.22-de Túrkııanyń Týndjelı qalasynyń Pıýlıýmıýr aýdanynda magnıtýdasy 4,1 baldyq taǵy bir jer silkinisi tirkeldi. Jerasty dúmpýi 10,06 shaqyrym tereńdikte bolǵany anyqtaldy. Zardap shekkender týraly habarlanǵan joq.

Buǵan deıin Izmırdegi zilzala qurbandarynyń sany 114-ke jetip, 17 ǵımarattyń 15-inde izdeý-qutqarý jumystary aıaqtalǵanyn habarlaǵan bolatynbyz.