Izmırdegi jer silkinisi: Qurban bolǵan adam sany 62-ge jetti
21:21, 01 Qarasha 2020
ANKARA. ANADOLÝ - QazAqparat – Túrkııanyń Izmır qalasynda jer silkinisinen opat bolǵan adamdardyń sany 62-ge jetti, dep habarlaıdy «Anadolý».
Bul týraly Túrkııa úkimeti janyndaǵy Tótenshe jaǵdaıdyń aldyn alý jáne joıý basqarmasy (AFAD) habarlaǵan.
Aýrýhanalarǵa 940 adam jetkizilgen. Onyń 722-si medıtsınalyq kómek kórsetilgen soń úıine jiberilgen, 218-i emdelip jatyr.
Qıraǵan 8 ǵımaratta izdeý jáne qutqarý jumystary júrgizilýde.
Jer silkinisinen keıin 947 aftershok bolǵan. Onyń 43-iniń magnıtýdasy 4 baldan joǵary bolǵan.
Aıta keteıik, 29 qazan kúni Egeı teńiziniń jaǵasyndaǵy Izmır qalasynda 6,6 baldyq jer silkinisi boldy.