Ijevsk oqıǵasy bizge sabaq bolýy kerek – Ashat Aımaǵambetov
«Keshe Reseıdiń Ijevsk qalasyndaǵy mektepte atys boldy. Ókinishke qaraı, qaza tapqandar arasynda oqýshylar da bar. Biz úshin mundaı oqıǵa sabaq bolýy kerek. Sondyqtan biz balalarymyzdyń qaýipsizdigi máselesin taǵy da kóteremiz», - dedi mınıstr apparattyq keńeste.
Mınıstr bul baǵytta tıisti jumys júrgizilip jatqanyn, degenmen birqatar problema sheshilmegenin atap ótti.
Ashat Aımaǵambetov balalardyń qaýipsizdigin qamtamasyz etý úshin barlyq qajetti sharalardy qabyldap, jyl sońyna deıin kemshilikterdi joıýdy tapsyrdy.
Bilim jáne ǵylym mınıstrligi Balalardyń quqyqtaryn qorǵaý komıtetiniń tóraǵasy Esenǵazy Imanǵalıevtiń aıtýynsha, oqý jylynyń basynda mektepter beınebaqylaý júıesimen 100% qamtamasyz etilgen.
Alaıda jedel basqarý ortalyǵyna tek 82% nemese 300 jáne odan kóp oqýshyǵa eseptelgen 2605 mektep qosylǵan.
Tómen kórsetkishter Aqtóbe, Almaty, Jambyl, Qaraǵandy oblystarynda baıqalady.
24 iri qalada 1351 orta bilim berý uıymy jumys isteıdi, olardyń 83% kúzet agenttikterimen sharttar jasasqan.
Qostanaı, Pavlodar, Atyraý, Soltústik Qazaqstan, Túrkistan oblystaryndaǵy kórsetkishter tómen.
Dabyl túımeleri 1117 mektepte nemese mektepterdiń 97%-ynda ornatylǵan. Eń tómen kórsetkishter Qyzylorda, Shyǵys Qazaqstan oblystarynda baıqaldy.
Іshki ister mınıstrligi júrgizgen tekserý nátıjesinde 630-dan astam mektep terrorızmge qarsy qorǵalý talaptaryna sáıkes keletini belgili boldy.
Al 550-den astam mektepte buzýshylyqtar anyqtalǵan.
Aıta keteıik, Reseıdegi Ijevskide bolǵan atystan qaza tapqandar sany 13 adamǵa jetti. Olardyń arasynda 7 bala bar. 21 adam jaraqat aldy, onyń 14-i – balalar.
Reseı ІІM baspasóz qyzmeti málim etkendeı, atys uıymdastyrǵan er adamnyń máıiti tabyldy, ol óz-ózine qol jumsaǵan.
QR Prezıdenti Qasym-Jomart Toqaev Ijevsk qalasyndaǵy mektepke jasalǵan shabýyl saldarynan adamdardyń qaza tabýyna baılanysty Vladımır Pýtınge kóńil aıtty.