Іzdeýde júrgen Qazaqstan azamattary Ázirbaıjanda ustaldy
14:15, 11 Qazan 2014
ASTANA. QazAqparat - Búgin qazaqstandyq azamattar Farhat Abdýrahmanov pen Shavkıat Zýbanov Ázirbaıjan Respýblıkasynan elge jetkizildi, dep habarlady Qazaqstan Respýblıkasy Bas prokýratýrasynyń baspasóz qyzmetinen.
Tergeý organdary Abdýrahmanovty zańsyz jolmen esirtkilik zattar alyp, olardy satý maqsatynda saqtap, tasymaldaǵandyǵy úshin aıyptap otyr.
Zýbanov qaraqshylyq shabýyl jasap, «Leksýs LX 470» markaly avtokóligin urlaǵandyǵy úshin aıypty boldy. Halyqaralyq izdeý jarııalanǵan bul adamdardy Ázirbaıjannyń quqyq qorǵaý organdary qolǵa túsirgen. Osy oraıda Qazaqstan Respýblıkasy Bas prokýratýrasynyń ázirbaıjandyq áriptesterine qolǵa túskenderdi elge qaıtaý týraly jibergen ótinishteri qanaǵattandyryldy. Ekstradıtsııalanǵan adamdar Almaty qalasynyń áýejaıynda tergeý abaqtysynyń qyzmetkerleriniń qolyna tapsyryldy.