Іzdeý salynǵan 20 jastaǵy qostanaılyqty polıtseıler eki aptadan soń tapty

QOSTANAI.QazAqparat – Qostanaılyq polıtseıler izdeý salynǵan 20 jastaǵy jigitti tapty, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Qostanaı qalasynyń polıtseıleri Vıtalıı Voronın jáne polıtsııa kapıtany Anatolıı Shpıkın joǵalyp ketken Oleg Ganıany temirjol vokzaly aýdanyndaǵy aıaldamada kórgen. Barlyq mán-jaılardy anyqtaý úshin polıtsııa bólimine jetkizildi.

«Qostanaı qalasy polıtsııa basqarmasynyń qyzmetkerleri iz-túzsiz joǵalǵan Ganıa Oleg Vıktorovıchtiń mekenjaıyn da anyqtady.

Ol osy ýaqytqa deıin oblys ortalyǵyndaǵy tanystarynda bolǵan. Jaǵdaıy jaqsy. Polıtsııa jigittiń anasyna habarlady», delingen vedomstvo habarlamasynda.

Eske salsaq, Ganıa Oleg Vıktorovıch 15 qazan kúni Baǵanaly aýylynan I.Pavlov atyndaǵy aýylǵa shyǵyp, sol kúıi habarsyz ketken.