IYU-nyń ǵylym jáne tehnologııalar jónindegi sammıti Quran aıattarymen ashyldy

ASTANA. QazAqparat - Qazaqstan Prezıdenti Nursultan Nazarbaev elorda tórinde bastalǵan Islam yntymaqtastyq uıymynyń ǵylym jáne tehnologııalar jónindegi birinshi sammıtin ashyq dep jarııalady, dep habarlaıdy QazAqparat.

«Qurmetti sammıtke qatysýshylar, hanymdar men myrzalar! Qonaqjaı qazaq jerine qosh keldińizder. Elordamyz Astanada osy joǵary deńgeıdegi quryltaıdy ótkizý bizdiń el úshin  zor mártebe. Bul basqosýymyz ıslam úmbetiniń tarıhynda erekshe iz qaldyrady dep senemiz. Otyrystyń tóraǵasy retinde Islam yntymaqtastyq uıymynyń ǵylym jáne  tehnologııalar jónindegi birinshi sammıtiniń jumysyn ashyq dep jarııalaýǵa ruqsat etińizder», - dedi Qazaqstan Prezıdenti.

Osydan keıin Quran aıattary oqylyp, sammıt jumysy bastaldy. 

Buǵan deıin habarlanǵandaı, 10-11 qyrkúıek kúnderi elordadaǵy Táýelsizdik saraıynda Elbasy Nursultan Nazarbaevtyń tóraǵalyǵymen Islam yntymaqtastyq uıymynyń ǵylym men tehnologııalar jónindegi birinshi sammıti ótýde. Sammıtke IYU-ǵa múshe elderdiń, sonymen qatar halyqaralyq jáne óńirlik uıymdardyń 80-ge jýyq delegatsııasy qatysýda.