IYU-nyń Ǵylym men tehnologııa sammıtine Indonezııa prezıdenti qatysady dep kútilýde

ASTANA. QazAqparat - Ústimizdegi jyldyń qyrkúıeginde elordada ótetin Islam yntymaqtastyq uıymynyń Ǵylym men tehnologııa jónindegi sammıtine Indonezııa Prezıdenti Djoko Vıdodo qatysady dep kútilýde. Búgin Aqordada birqatar shet memlekettiń Tótenshe jáne Ókiletti Elshisinen senim gramotasyn qabyldaǵan QR Prezıdenti Nursultan Nazarbaev osylaı málim etti, dep habarlaıdy QazAqparat.

«Ońtústik Azııa óńirindegi senimdi seriktesimiz Indonezııamen dıalogymyz qarqyndy damyp keledi. Astana men Djakarta arasyndaǵy saıası, halyqaralyq máselelerge kózqaarasymyz birdeı», - dep atap ótti Elbasy.

Memleket basshysy eki memlekettiń saýda-ekonomıkalyq qarym-qatynastarynyń áleýeti joǵary ekendigin, bul saladaǵy yqpaldastyqty damytýda Úkimetterimiz belsene qyzmet atqarýy tıistigin basa aıtty.

«Sizder oǵan septigin tıgizedi dep senemin. Bıylǵy qyrkúıekte Astanada ótetin Islam yntymaqtastyq uıymynyń Ǵylym men tehnologııa jónindegi sammıtine Indonezııa Prezıdenti Djoko Vıdodonyń qatysýyn kútip otyrmyz. Bizdiń bıylǵy Er-Rııadtaǵy kezdesýimizde de osy máseleni sóılestik. Sammıt musylman úmmetiniń birligine, tehnologııalar turǵysynan erekshelenýine, jańarýyna yqpal etedi dep senemiz», - dedi Nursultan Nazarbaev.