IX qysqy Azııa oıyndarynyń bastalýyna 30 kún qaldy
Qysqy Azııa oıyndary Atqarý komıtetiniń Sporttyq jarystar departamentiniń dırektory jáne Jarysty basqarý ortalyǵy qolbasshysynyń orynbasary Lı Gýannyń aıtýynsha, Azııanyń 34 elinen/aımaqtarynan barlyǵy 1275 sportshy (755 er, 520 áıel) tirkeldi. Olardyń arasynda muz sportyna 847 sportshy (513 er, 334 áıel) jáne qardaǵy sport túrine 428 sportshy (erler 242 adam, 186 áıel) qatysady.
Buǵan deıin habarlaǵanymyzdaı, dúbirli doda tarıhta eń kóp el qatysqan qysqy Azıadanyń biri bolmaq.
Sondaı-aq, Kambodja men Saýd Arabııasy qysqy Azııa oıyndaryna alǵash ret qatysqaly otyr.
Harbın qalasy qysqy Azııa oıyndaryn ekinshi márte ótkizgeli otyr. Buǵan deıin, ІІІ qysqy Azııa oıyndary 1996 jyly osy qalada ótip, 17 el/aımaqtan kelgen 458 sportshy synǵa túsken bolatyn. Qazaqstan quramasy sol jyly 14 altyn, 9 kúmis, 8 qola (barlyǵy 31) júldemen jalpy esepte jarys qojaıynynan keıingi 2-orynnan kóringen.
Eske salsaq, IX qysqy Azııa oıyndary 2025 jyldyń 7-14 aqpany aralyǵynda Qytaı Halyq Respýblıkasy Heılýntszıan provıntsııasynyń Harbın qalasynda ótedi. Sportshylar 12 sport túri boıynsha 64 medal jıyntyǵyn sarapqa salady.
QR Týrızm jáne sport mınıstrliginiń habarlaýynsha, Qazaqstannan 139 sportshy el namysyn qorǵaıdy.
Osyǵan deıin Aq Azıadanyń Harbın qalasyndaǵy muz sporty ótetin 5 arena jáne ıAbýlı taý shańǵysy kýrortynda qar sporty ótetin 8 jarys alańynda ótetinin jazǵan edik.