Ivan Dychko Argentınadaǵy jekpe-jegi aldynda salmaq ólsheý rásiminen ótti

NUR-SULTAN. QazAqparat - Qazaqstandyq boksshy Ivan Dychko (11-0, 11 KO) argentınalyq Kevın Espındolamen (7-3, 2 KO) jekpe-jek aldynda mindetti salmaq ólsheý rásiminen ótti, dep habarlaıdy QazAqparat Sports.kz-ke silteme jasap.

Dychko tarazyda – 238,9 fýnt (108,36 keli), Espındola 255,07 fýnt (115,69 keli) kórsetti. Kezdesý 24 maýsym kúni tańerteń Argentınanyń Býenos-Aıres qalasynda ótedi.

Ivan Dychko munyń aldynda rıngke jeltoqsan aıynda shyqty. Ol birinshi raýndta reseılik Aleksandr Ýstınovty (36-6-1, 27 KO) nokaýtqa túsirgen edi.

Kevın Espındolaǵa kelsek, bıylǵy jyldyń sáýir aıynda ol tóreshilerdiń biraýyzdan qabyldaǵan sheshimimen óz otandasy Naýel Palasıosty (1-7, 0 KO) utqan bolatyn.