Ivan Dychkomen jekpe-jek ótkize me? – Bahodır Jalolov túsinik berdi

<p>ASTANA. KAZINFORM &ndash; Eki dúrkin Olımpıada chempıony, aýyr salmaqtaǵy tanymal ózbekstandyq boksshy Bahodır Jalolov kásipqoı boksta jekpe-jek ótkizýdi ázirge josparlap otyrǵan joq, dep jazdy <a href="https://www.sports.kz/news/boy-protiv-ivana-dyichko-v-profi-bahodir-djalolov-proyasnil-situatsiyu" target="_blank" rel="noopener">Sports.kz.</a></p>

Bul týraly boksshy ózbekstandyq BAQ ókilderine aıtyp berdi. Jalolov qazir demalyp jatqanyn, ázirge jekpe-jekke qatysty usynys túspegenin aıtty.

Buǵan deıin Jalolovtyń jattyqtyrýshysy Tolqyn Qylyshev Sports.kz portalynyń suraǵyna jaýap bergen edi. Bapkerge Jalolov pen qazaqstandyq Ivan Dychkoǵa qarsy kásipqoı rıngtegi yqtımal jekpe-jek týraly suraq qoıylǵan edi. Ol Jalolov qazir babynda ekenin jáne jeńiske jetetinin aıtqan bolatyn.

Aıta keteıik, Ivan Dychko kásipqoı rıngte 14 jekpe-jek ótkizip, 13 nokaýt jasasa, Bahodır Jalolov ta dál osynshama jekpe-jek ótkizip jáne basym bóliginde merziminen buryn jeńiske jetken.