ASTANA. KAZINFORM - Ivan Gennadevıch Azovskıı «Ulytaý» fýtbol klýbyndaǵy qyzmetin resmı túrde aıaqtady.
Onymen birge onyń kómekshisi Famıltsev Aleksandr Mıhaılovıch te klýbtan ketti.
Bas bapker 2023 jyly klýb qurylymyna qosylyp, aldymen fýtbol ortalyǵynyń jetekshisi qyzmetin atqardy. Keıinnen negizgi komandany qabyldap, 2024 jylǵy maýsym qorytyndysy boıynsha «Ulytaýdy» alǵash ret Qazaqstan Premer-lıgasyna shyǵardy.
2025 jylǵy maýsymda I. Azovskıı baptaǵan komanda Premer-lıgada 15 match ótkizip, 3 jeńiske jetti, 3 teń oıyn kórsetti.
Eske salsaq, budan buryn «Turan» komandasyna jańa bapker taǵaıyndaldy. Bul qyzmetke Ábdihalyq Bóribaev keldi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.