IV Astanalyq ekonomıkalyq forýmnyń qorytyndysy boıynsha úlken jıyrmalyqtyń Samıttine arnalǵan aqyl-keńester daıyndalady - Elbasy
Forým barysynda búgingi jıynǵa álemniń beldi ekonomıst mamandary men osy saladaǵy Nobel syılyǵynyń ıegerleri qatysyp otyrǵandyǵyn jáne olarǵa úlken alǵysyn bildirgen Elbasy osynyń ózi búgingi jıynnyń ıntellektýaldyq kelbetin kórsetetindigin atap ótti. «Bul árıne kezdeısoq jaǵdaı emes. Búgingi jıynnyń bastamashysy da onyń basty uıymdastyrýshysy Ǵalymdardyń eýrazııalyq ekonomıkalyq klýby. Sondyqtan búgingi jıyn barysynda qalyptasqan dástúr boıynsha úlken jıyrmalyqtyń Sammıtine aqyl-keńester daıyndalatyn bolady»,-dedi Prezıdent.
Aıta keteıik, Eki kúnge jalǵasatyn forým baǵdarlamasynda negizgi úsh baǵytta, atap aıtqanda ǵalamdyq ekonomıka jáne qarjy, bıznes jáne ınvestıtsııa, qoǵam jáne turaqty damý baǵyttary boıynsha órbip, jıyrma shaqty is-sharany ótkizý qarastyrylǵan.
Forýmǵa ekonomıka, qarjy salasy boıynsha álemniń ataqty ǵalymdary, jetekshi sarapshylar, Nobel syılyǵynyń ıegerleri qatysýda. Mundaı aıtýly jıynǵa ataǵy jer jarǵan ekonomıster men Nobel syılyǵynyń ıegerleriniń qatysýy basqosý mańyzyn aıqyndaı túsedi.
Sonymen qatar forýmnyń mańyzdy sharalarynyń biri - Bretton-Výd komıteti jáne Nobel syılyǵynyń laýreaty Robert Mandell ótkizetin «Halyqaralyq valıýta júıesi: ekonomıkalyq jáne monetarlyq bıliktiń jańa konfıgýratsııasy» konferentsııasy bolyp tabylady. Onyń maqsaty - valıýta-qarjy júıesin ózgertý jáne jetildirý máselelerin, álemdik jáne óńirlik valıýtany engizýdiń negizgi aspektilerin keńinen talqylaý bolyp tabylady. Bunda spıkerler retinde Qazaqstan, AQSh, Eýroodaq, Qytaı, Reseı, Brazılııa jáne basqa elderdiń sarapshylary baıandama jasaıtyny kútiledi.
Forým aıasynda sondaı aq «Qazirgi álemdegi týrızmniń ekonomıkalyq erekshelikteri» sessııasy ótetin bolady. Osy sharanyń maqsaty - memlekettik jáne jekemenshik sektor arasyndaǵy ózara paıdaly yntymaqtastyq arqyly týrızm salasynyń básekege qabylettiligin, týrızm salasyndaǵy ınvestıtsııalyq yntymaqtastyqty arttyrý, halyqaralyq yntymaqtastyq tájirıbesimen almasý, týrızm salasyndaǵy halyqaralyq jobalardy júzege asyrý bolyp otyr. Budan bólek IV Astana ekonomıkalyq forýmynyń aıasynda «Ortalyq Azııa óńirindegi azyq-túlik qaýipsizdigin qamtamasyz etý» taqyrybyndaǵy sessııa jumysy da josparlanǵan. Sessııanyń jumysyna BUU azyq-túlik aýylsharýashylyq uıymynyń (FAO) Bas dırektory Jak Dıýf, memlekettik organdardyń, Orta Azııa óńirindegi elderdiń ókilderi, azyq-túlik qaýipsizdigi salasyndaǵy sarapshylar men mamandar, damý ınstıtýttary, Búkilálemdik Bank, Ekonomıkalyq yntymaqtastyq jáne damý uıymy (EYDU), Keden odaǵyna múshe elderdiń ókilderi, iri halyqaralyq jáne otandyq salalyq qoǵamdyq birlestikter qatysatyny josparlanǵan.
Forým aıasynda iri qazaqstandyq jáne sheteldik uıymdar arasynda kelisimsharttar men memorandýmdar bekitilip, ınfraqurylymǵa jáne bank sektoryna ınvestıtsııa tartý kútilýde. IV Astana ekonomıkalyq forýmy negizgi nátıjeleriniń dástúrleri boıynsha álemniń 20 jetekshi ekonomıkasyna qatysýshy elder basshylary úshin ashyq hat qabyldanady. Onda Eýrazııanyń, muhıtttyń ar jaǵyndaǵy elderdiń, Islam áleminiń jáne jalpy bank sektoryndaǵy pikirlerdi biriktiretin álemdik ekonomıkany saýyqtyrý jáne damytý boıynsha kepildemeler beriledi.