iTys qazaqstandyq messendjerin 100 myńnan astam adam paıdalanýda
"Osydan bir aı buryn biz sizderge iTys qazaqstandyq messendjerin tanystyrdyq. Qazirgi ýaqytta onymen 100 myńnan astam adam hat almasady", - dep atap ótti ol.
Aıta keteıik, bul shartarapqa tarap ketken Whatsapp-tyń qazaqstandyq balamasy. ıAǵnı iTys tuńǵysh ret qazaqstandyq mamandar jasap shyǵarǵan jedel habar almasýǵa arnalǵan mobıldik qosymsha.
iTys orys jáne aǵylshyn tilderinde ǵana emes, eń bastysy, qazaq álipbıiniń barlyq áripterin paıdalanyp, memlekettik tilde habar almasýǵa bolatyndyǵymen erekshelenedi. Bul ony qazirgi kezde qoldanysta júrgen belgili messendjerlerden daralap, árbir qazaqstandyqqa arnalǵan, tolyqtaı ulttyq ІT-ónim retinde tanyta alady. iTys qosymshasynyń eń basty ereksheligi - onyń ulttyq mánerde aıshyqtalǵan, memlekettik tilde qoldanýǵa bolatyn eksklıýzıvti ınterfeısi men máziri. iTys-taǵy barlyq smaılıkter qazaqtyń ulttyq naqyshynda jasalǵan. Sonymen qatar, qosymshanyń taǵy bir mańyzdy qyry - basqa messendjerler sııaqty qoldaný úshin tólem talap etpeıdi. Kez kelgen adam ony iTys.kz saıtynan tegin júktep alyp, tegin qoldana alady.
iTys-tyń taǵy bir ereksheligi - onda jeke hattardyń qupııalylyǵyn saqtaýǵa múmkindik beretin habarlamalardy avtomatty túrde óshirý fýnktsııasy bar. Mundaı qyzmet álemdegi bir de bir messendjerde joq.
Aıta keteıik, qazirgi tańda qosymshany júkteý Android operatsııalyq júıesi bar smartfondar úshin qoljetimdi. Jobany jasaýshylar jeltoqsan aıynda iOC platformasyna shyǵýdy kózdep otyr.
Joba jetekshileriniń aıtýynsha, bolashaqta iTys aıasynda tegin dybystyq qońyraýlar, qazaq tiliniń avtokorrektory, grafıkalyq redaktor, sondaı-aq ulttyq úlgidegi jańa anımatsııalar men stıkerler qyzmetin qosý kózdelip otyr.