Itbalyqtardy saqtaý: Kaspııde memlekettik tabıǵı rezervat qurylady

ASTANA. QazAqparat – Kaspıı teńizinde memlekettik tabıǵı rezervat qurý jumystary júrgizilip jatyr. Bul týraly búgin Úkimet otyrysynda QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilshisi.

«Kaspıı ıtbalyqtarynyń popýlıatsııasyn saqtaý mańyzdy másele. Prezıdenttiń tapsyrmasyna sáıkes Kaspıı teńizinde memlekettik tabıǵı rezervat qurý jumystary júrgizilip jatyr. Búgingi tańda tabıǵı-ǵylymı negizdeme ázirlenýde. Ony kelesi jyldyń qańtarynda alýdy jáne odan ári tehnıkalyq-ekonomıkalyq negizdeme ázirleýge kirisýdi josparlap otyrmyz», - dedi mınıstr Balyq salasyn damytý baǵdarlamasynyń bıylǵy qorytyndysyn baıandaı kele.

Onyń aıtýynsha, Memleket basshysynyń balyq sharýashylyǵy máseleleri jónindegi tapsyrmalaryn oryndaý úshin jáne jańa oblystardyń qurylýyna baılanysty Balyq sharýashylyǵyn damytý baǵdarlamasyna túzetýler engizý kerek.

«Sonymen qatar sý tapshylyǵy men álemdik naryqtardaǵy ahýal boıynsha aǵymdaǵy jaǵdaıdy eskere otyryp, ındıkatorlardy ózektendirý qajet. Bul jumysty bıznes jáne ǵylym ókilderimen birlesip júrgizemiz. Memlekettik organdarmen kelisilgennen keıin Úkimet qaýlysynyń tıisti jobasy kelesi jyldyń ekinshi toqsanynda engiziletin bolady», - dedi ol.