Itbalyqtardyń qyrylýy: alǵashqy saraptamanyń qorytyndysy jarııalandy

<p>ASTANA. KAZINFORM &ndash; QR Ekologııa jáne tabıǵı resýrstar mınıstrligi Kaspıı jaǵalaýynan 300-ge jýyq ıtbalyq óleksesi tabylǵan jerde sýdyń quramy tekserilgenin habarlady.</p>

«Túpqaraǵan aýdany aýmaǵynyń teńizi jaǵalaýynan 289 ıtbalyq óleksesi tabyldy. Jergilikti atqarýshy organnyń kómegimen jınastyrǵannan keıin, polıgonǵa tasymaldandy. «Gıdrobıologııa jáne ekologııa ınstıtýty» mekemesimen birlese sol jerden tabylǵan ıtbalyqtar boıynsha toksıkologııalyq jáne gıstologııalyq baǵytta zertteýler jasalady. Bul rette 112 ıtbalyqtan synamalar alyndy», - delingen Ekologııa jáne tabıǵı resýrstar mınıstrliginiń Kazinform agenttigine bergen jaýabynda.

Vedomstvo aqparatyna qaraǵanda, Mańǵystaý oblysy boıynsha ekologııa departamentiniń mamandary ıtbalyq ólekseleri tabylǵan Kaspıı teńiziniń jaǵalaýynan sý synamalaryn aldy. Onyń qortyndysy boıynsha normadan tys aýytqýlar anyqtalmady.

Buǵan deıin 24-29 qazan aralyǵynda Kaspıı teńiziniń jaǵalaýynda júrgizilgen monıtorıng kezinde 289 ıtbalyqtyń óleksesi tabylǵanyn jazǵan edik. 

Jaqynda Ekologııa jáne tabıǵı resýrstar mınıstri Erlan Nysanbaev Kaspıı ıtbalyqtarynyń qyrlýy jaǵdaıyna qatysty pikir bildirdi. 

«Biz óz jaǵymyzdan sol ıtbalyqtardyń tabylǵan jerinen jaǵalaýdaǵy sý synamalaryn aldyq. Jaqyn arada nátıjesi shyǵady. Sosyn bilemiz, sebebi nede ekenin. Ázirge bári laboratorııalyq zertteýde», - dedi mınıstr.

Aıta keteıik, Mańǵystaý oblystyq Balyq sharýashylyǵy ınspektsııasy basshysynyń mindetin atqarýshy Andreı Rýtskııdiń málimdeýinshe, 5 qarasha kúni taǵy 121 ólekse anyqtaldy.