Italııanyń Iskıa aralynda zilzaladan 2 jarym myńnan astam adam baspanasyz qaldy

ASTANA. QazAqparat - Italııanyń Iskıa aralyndaǵy zilzala kesirinen 2 jarym myńnan astam adam baspanasyz qaldy. Bul týraly Ulttyq azamattyq qorǵanys qyzmetiniń basshysy málimdedi, dep habarlaıdy Habar24 kz.

Onyń aıtýynsha, úıi qıraǵan turǵyndardyń barlyǵy aımaqtaǵy qonaqúılerge jaıǵasady. Olar úshin arnaıy palatkaly lagerler salynbaıdy.

Sońǵy málimetterge qaraǵanda, qutqarý jumystary kezinde qırandy astynda qalǵan aǵaıyndy 3 búldirshin aman-esen tabyldy. Olardy izdeý 14 saǵatqa sozylǵan. Sonymen qatar zilzaladan keıin araldaǵy saıahatshylar jappaı eline qaıtyp jatyr.

Eske sala keteıik, Iskıa aralyndaǵy jer silkinisi jergilikti ýaqytpen dúısenbi kúni keshke tirkeldi. Italııanyń geofızıka jáne janartaý ulttyq ınstıtýtynyń derekteri boıynsha zilzala qýaty 3,6 baldy quraǵan.