Italııanyń burynǵy SІM basshysy: Astana protsesi - ýaqtyly qadam

ASTANA. QazAqparat - «Sırııadaǵy máseleler boıynsha Astana protsesi dál ýaqtyly qadam bolyp otyr». Elordanyń 20 jyldyǵyna arnalǵan «Astana - beıbitshilik qalasy» halyqaralyq ǵylymı-tájirıbelik konferentsııasynda Italııanyń burynǵy Syrtqy ister mınıstri Franko Frattınını osylaı dep málim etti, dep habarlaıdy QazAqparat tilshisi.

«Men Astanada 2010 jyly bolǵanmyn. Ol kezde ıtalııalyq úkimettiń atynan Astanaǵa sammıtke (EQYU sammıti - avt.) jol túsken edi. Sol kezde Astana deklaratsııasynda qoıylǵan maqsat-mindetterdi uǵynyp qaıtqan edim. Arada jyldar ótip, búgingi kúni meniń oıymsha, jańǵyrý baǵytynda deklaratsııada kórsetilgendeı aıtarlyqtaı jumystar júrgizilgen. Dese de, áli de jańǵyrtarlyq sharýa da joq emes. Sebebi, Astana deklaratsııasy jahandyq deńgeıde úlken alǵa basýshylyqqa qol jetkizýge múmkindik berdi. EQYU bálkim, osyǵan baılanysty áli de sheshýshi oıynshylardyń biri bolyp qalýy múmkin», - deıdi ol.

Franko Frattınını óz sózinde shaǵyn ǵana mysal keltire keltti.

«Birneshe kún buryn men túbekke (...) qatysty EQYU-ǵa tóraǵalyq berý týraly Rım hattamasyna qol qoıdym. Biz bir ústelde Ýkraına, AQSh, Reseı sekildi eldermen besjaqty kelisimge qol qoıdyq. Olar bes másele boıynsha kelisimge keldi. Men osy rette ózara shıelenisi bar barlyq taraptar ortaq mámilege kele alatyndaı EQYU sheshýshi qural bolyp tabylatynyn aıta ketkim keledi», - deıdi Franko Frattınını.

Onyń aıtýynsha, Sırııa máselesi - barlyq iri oıynshylarmen jahandyq deńgeıde birlese talqylaıtyn másele.

«Astana deklaratsııasynda jahandyq mańyzdy máselelerge oryn berilgen bolatyn. Naqtyraq aıtqanda, Eýroatlantıkalyq jáne Eýrazııalyq birlestik týraly sóz qozǵaldy. Bul qaýipsizdikke qatysty máselelerdiń sheshimine arnalǵan jahandyq júıe. Ekinshiden, Taıaý Shyǵystaǵy jaǵdaıdy retke keltirý. Bul daǵdarys aýmaǵy. Bul da barlyq iri oıynshylarmen jahandyq deńgeıde birlese talqylaıtyn másele. Sırııa jáne Lıvııa... Bul ıtalııalyq syrtqy ister salasyndaǵy jumystardyń basymdyǵy bolyp tabylady. Osy rette aıta keterligi, Sırııadaǵy máseleler boıynsha Astana protsesi dál ýaqtyly qadam der edim. Prezıdent Nursultan Nazarbaev dál osy jumysty keshiktermeı atqaryp jatyr», - dedi Franko Frattınını.

Aıta ketsek, Astananyń 20 jyldyǵyna arnalǵan halyqaralyq konferentsııany Elbasy kitaphanasy, QR Syrtqy ister mınıstrligimen, QR Tuńǵysh Prezıdenti - Elbasy Qorymen birlese uıymdastyryp otyr.