Italııadan 3-4 joldama alýymyz kerek – Týrızm jáne sport mınıstri

<p>ASTANA. KAZINFORM &ndash; Qazaqstandyqtar ár Olımpıadada boksshylardan úlken úmit kútedi. Dese de, keıingi jyldary halyqaralyq jarystarda júldeniń aýyly alystaı túskeni baıqalady. Qazirdiń ózinde el qorjynynda Parıj Olımpıadasynyń 2 joldamasy ǵana bar.</p>

Týrızm jáne sport mınıstri Ermek Marjyqpaev 4-12 naýryz aralyǵynda Italııanyń Býsto-Arsıtsıo qalasynda bokstan erler jáne áıelder arasynda ótetin týrnırden 3-4 joldama alý kózdelgenin aıtty. Keıin Taılandta ótetin halyqaralyq týrnırden de lıtsenzııa alý múmkindigi bar.

Italııadaǵy týrnırde Qazaqstannyń erler quramasy 5 salmaqta qolǵap túıistiredi. Olar – Sáken Bıbosynov (51 keli), Mahmud Sabyrhan (57 keli), Muhammedsabyr Bazarbaıuly (63,5 keli), Aslanbek Shymbergenov (71 keli), Nurbek Oralbaı (80 keli), Aıbek Oralbaı (92 keli). Erler arasynda 28 joldama úlestiriledi.

Áıelder quramynda sharshy alańǵa 50 keli salmaqta Alýa Balqybekova shyǵady. Sondaı-aq 54 kelide Jaına Shekerbekova, Rımma Volosenko (60 keli), Natalıa Bogdanova (66 keli), Valentına Halzova (75 keli) lıtsenzııaǵa talasady. Áıelder arasynda 21 joldama sarapqa salynady. 

Qorjyndaǵy 2 joldama Qamshybek Qońqabaev pen Karına Ibragımovaǵa tıesili ekenin atap ótken jón.