Italııadaǵy týrnır: Mahmud Sabyrhan alǵashqy jeńisine qol jetkizdi

<p>ASTANA. KAZINFORM - Búgin bokstan Italııanyń Býsto-Arsıtsıo qalasynda ótip jatqan halyqaralyq týrnırde Qazaqstan quramasynyń sapynan sharshy alańǵa shyqqan Mahmud Sabyrhan alǵashqy jeńisine qol jetkizdi.</p>

57 kelige deıingi salmaqta synǵa túsetin qazaqstandyq boksshy Sabyrhan birinshi aınalymda efıopııalyq Leta Fıkremarıam ıAdesamen judyryqtasyp, esh qıyndyqsyz jeńiske jetti. Esep – 5:0.

Endi kelesi aınalymda ol taılandtyq Saravýt Sýkthetpen qolǵap túıistiredi.

Sondaı-aq búgin Nurbek Oralbaı (80 keli) men Gaıtıden kelgen Sedrık Belonı-Dıýlepre sharshy alańǵa shyǵady.

Esterińizge sala keteıik, osyǵan deıin erler arasynda 51 kelide Sáken Bıbosynov gonkongtyq Kannet Chýn Hım Tanmen qolǵap túıistirip, kelesi kezeńge ótse, áıelder arasynda 60 kelide sharshy alańǵa shyqqan Rımma Volosenko alǵashqy jekpe-jegin sátti ótkizgen bolatyn. Ol jaýapty synda Trınıdad Tobago eliniń ókili Tıanna Gýımen kezdesip, tóreshiler sheshimimen basym tústi.