Italııadaǵy mektep oqýshylarynyń JI kómekshileri bolady

<p>ASTANA. KAZINFORM &ndash; Italııanyń 15 mektebinde oqý úlgerimi men bilim sapasyn arttyrý maqsatynda bilim protsesine jasandy ıntellekt tehnologııalaryn engizý boıynsha pılottyq joba bastalyp jatyr, dep habarlaıdy <a href="https://ru.euronews.com/my-europe/2024/09/25/italy-ai-schools?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">Euronews.</a></p>

Italııanyń mektep oqýshylarynda JI-nyń negizindegi vırtýaldy kómekshileri paıda bolady. Eldiń tórt aımaǵyndaǵy 15 mektepte jasandy ıntellekt tehnologııalaryn oqý úderisinde qoldaný boıynsha pılottyq joba iske qosyldy.

Basty maqsat – oqytý sapasyn jáne akademııalyq úlgerimdi jaqsartý, Italııanyń basqa EO elderimen salystyrǵanda tsıfrlyq teńsizdigin azaıtý. 

Eksperıment sátti ótse, JI tehnologııalary búkil el boıynsha mekteptegi bilim berý júıesine engiziledi. 

Planshetter men kompıýterlerdegi JI kómekshileri balalarǵa sabaq kezinde, úı tapsyrmasyn oryndaýda kómektesedi. 

Bastamashylar oqytýdy ár balanyń erekshelikterin eskere otyryp jekeleı etýge nıettenip otyr. 

Baǵdarlama aldaǵy eki jylda synaqtan ótkiziledi, keıinnen ol uzartylyp, keńeıtilýi múmkin.