Italııadaǵy avtojumysshylar 20 jyl ishinde alǵash ret ereýilge shyqty

<p>ASTANA. KAZINFORM &ndash; 20 jyl ishinde Italııanyń alǵashqy jalpyulttyq ereýiline qatysý úshin juma kúni Rım kóshelerine ondaǵan myń avtojumysshy shyqty. Bul týraly <a href="https://ru.euronews.com/business/2024/10/18/first-strike-in-italian-autoindustry-for-20-years" target="_blank" rel="noopener">Euronews</a> jazdy.&nbsp;</p>

Negizgi úsh odaq úkimetten sektordaǵy jumyspen qamtýdy qorǵaýdy jáne jahandyq avtoóndirýshi Stellantis-ten bastap Italııadaǵy avtoónerkásiptiń bolashaǵyn jandandyrýdy talap etip otyr. 

– Biz synı núktege jaqyndap kelemiz: óndiris kólemi tómendep barady. Tipti elimizde 500 myń avtokólik óndirilmeıdi. Bul – 1956 jyldan beri bolmaǵan jaǵdaı. Sońǵy úsh jylda biz 12 myńnan astam qyzmetkerden aıyryldyq. Jumystan bosatý normaǵa aınaldy. Premer-Mınıstr bas dırektormen jáne atalǵan odaq basshylarymen kezdesýi tıis. Biz úshin ekonomıkanyń eń qundy salalarynyń birin jandandyrý úshin kóbirek ınvestıtsııa tartý óte mańyzdy», - dep atap ótti Fim Cisl ókili Ferdınando Ýlıano. 

Álemdegi tórtinshi avtoóndirýshi Stellantis óziniń óndiristik josparlaryn naqtylaýǵa májbúr, sebebi ol básekelestik pen qarjylyq qıyndyqtardyń kúsheıýine tap bolady. 

Italııanyń ońshyl úkimeti kompanııany qurastyrý zaýyttaryn arzan elderge kóshirdi dep aıyptaıdy. 

– «Stellantis-te bolǵan jaǵdaı óte mańyzdy. Biz shetelden kelgen barlyq saýaldy qarastyryp jatyrmyz jáne qazirgi ýaqytta shyǵarylyp jatqan avtokólikter Ispanııadan, Marokkodan, Polshadan jetkiziletinin kórip otyrmyz. Bul bizdi qatty mazalaıdy, - dedi Stellantis qyzmetkeri Djýzeppe D'Alterıo. 

Óz kezeginde Euronews tilshisi de atalǵan jaǵdaıǵa qatysty pikir bildirdi. 

– Daǵdarysty eńserýge úndeý jahandyq sıpatqa ıe, ol búkil eýropalyq avtomobıl ónerkásibine qatysty. Básekelestik pen «jasyl ekonomıkaǵa» kóshý sektorǵa keri áserin tıgizdi. Sondyqtan EO-nyń birneshe elinen kásipodaq ókilderi jınalyp, qarsylyqqa qosyldy, - deıdi Euronews tilshisi Djordjııa Orlandı Rımnen. 

2021 jyly Fiat-Chrysler jáne PSA Peugeot kompanııalarynyń birigýi nátıjesinde qurylǵan kópultty top 2024 jyldyń birinshi jartyjyldyǵynda óziniń ıtalııalyq zaýyttarynyń kópshiliginde óndiristiń kúrt quldyraýyn tirkedi. Sońǵy 17 jylda avtoóndirýshi ıtalııalyq óndiristi shamamen 70%-ǵa qysqartty.