Italııada vaktsına almaǵandar úshin qatań shekteýler engiziledi

NUR-SULTAN. QazAqparat - Italııada «omıkron» shtamynyń órshýine baılanysty vaktsına almaǵan azamattar úshin qatań shekteýler engiziledi. Bul týraly QazAqparat Covid-19 taralýyna jol bermeý jónindegi VAK telegram kanalyna silteme jasap habarlaıdy.

Dúısenbiden bastap vaktsınatsııa pasporty joq adamdar qoǵamdyq is-sharalarǵa qatysa almaıdy. Vaktsınatsııa pasportynda vırýsqa qarsy qabyldaǵan vaktsına nemese sońǵy alty aıda COVID-19-ben aýyryp, saýyǵyp shyqqandyǵy týraly málimetter kórsetiledi.

Budan bylaı jumys ornyna kirý, qoǵamdyq kólikte júrý, teatrlarǵa, kınoteatrlarǵa, kontsert zaldaryna, sporttyq is-sharalarǵa, meıramhanalar men barlarǵa kirý úshin «jasyl pasport» qajet bolady. Pandemııa jarııalanǵannan beri Italııada ólim - jitimniń eń joǵary deńgeıi tirkeldi - 134 000-nan astam derek.
Dúısenbi kúni Nıý-Iorkte 5 jastan 11 jasqa deıingi balalardy COVID-19-ǵa qarsy ımmýndaýǵa ruqsat etildi. Mer Bıll de Blazıonyń málimdemesinde AQSh-tyń halqy eń kóp shoǵyrlanǵan qalasy 27 jeltoqsanǵa deıin 184 myń kásiporyn qyzmetkerleriniń vaktsına qabyldaǵany týraly dálelderdi usynýy kerek. Meıramhanalarǵa barý, sporttyq, orkestr jáne bı sııaqty mektepten tys úıirmelerine qatysý úshin 14 jeltoqsanǵa deıin 5 jastan 11 jasqa deıingi balalar vaktsınanyń kem degende alǵashqy dozasyn qabyldap, al 12 jastan asqan jasóspirimder 27 jeltoqsanǵa deıin tolyq ımýndaýdan ótýi kerek.