Italııada úı janýarlaryna arnalǵan átirge ıttiń aty qoıyldy

<p>ASTANA. KAZINFORM &ndash; Dolce &amp; Gabbana kompanııasynyń negizin qalaýshylardyń biri Domenıko Dolche Fefe atty ıtiniń atymen parfıýmerııa jasap shyǵardy. Bul týraly <a href="https://news.sky.com/story/dolce-and-gabbana-launches-dog-perfume-named-after-founders-pet-13191433" target="_blank" rel="noopener">Sky News</a> habarlady.&nbsp;</p>

Basylymnyń málimetinshe, Fefe parfıýmerııasy iri lıýks brendi retinde alǵash ret úı janýarlaryna arnalǵan eń tańǵajaıyp parfıýmerııaǵa aınaldy.

Kompanııa usynǵan átir úlgisi úı janýarlarynyń hosh ıisin taratyp, olardyń kóńil-kúıine erekshe tynyshtyq syılaıdy.

Parfıýmerlik bótelkede 24 karattyq altyn jalatylǵan ıttiń taban izi bar jáne átir kompanııa ıesi Domenıko Dolcheniń Fefe atty ıtine degen sheksiz mahabbatynan týyndaǵan shabytynan jaratylǵan.

Hosh ıiske mýskýs pen sandal aǵashynyń mıneraldary qosylǵan, baǵasy - 99 eýro.

Aıta keteıik, Domenıko Dolche 1985 jyly Stefano Gabbanamen birge D&G kompanııasyn quryp, ony álemdegi eń áıgili lıýks brendteriniń birine aınaldyrdy.