Italııada tótenshe jaǵdaı rejımi 2022 jyldyń naýryzyna deıin uzartyldy
08:35, 15 Jeltoqsan 2021
NUR-SULTAN. QazAqparat - Italııadaǵy tótenshe jaǵdaı rejımi 2022 jyldyń 31 naýryzyna deıin uzartyldy. Bul týraly QazAqparat euronews saıtyna silteme jasap habarlaıdy.
Italııanyń densaýlyq saqtaý mınıstri Roberto Sperantsa Eýroodaq elderinen Italııaǵa kelgender koronavırýsqa baılanysty test tapsyrý qajet ókimge qol qoıdy. Vaktsına almaǵandar úshin 5 kúndik karantın qaıta engiziledi.
Eýropa elderine kirmeıtin aýmaqtan kelýshiler úshin shekteýler avtomatty túrde uzartylady. Bul sharalar kem degende 31 qańtarǵa deıin kúshinde bolady.
15 jeltoqsannan bastap mindetti ekpe talaptary mektep jáne polıtsııa qyzmetkerleri úshin engizilmek.