Italııada laı kóshkini júrip, ondaǵan adam izdestirilip jatyr

ASTANA. QazAqparat – Italııanyń ońtústigindegi Iskıa aralynda laı kóshkini júrdi, dep habarlaıdy QazAqparat euronews.com saıtyna silteme jasap.

Kazamıchchıola-Termede qalasyndaǵy Maıo alańynda áıel adamnyń denesi tabyldy. Qutqarýshylar birinshi osy aýdanǵa jetken.

«Bir adamnyń qaıtys bolǵany rastaldy, taǵy onǵa jýyq adam iz-túzsiz joǵalǵandar qatarynda», - deıdi Neapol meri Gaetano Manfredı.

Birneshe úı qıraǵan. Neapol aımaǵynda kishkentaı nárestesi bar otbasynyń qutqarylǵany týraly aqparat tarady.

Laı kóshkinine nóser jańbyr sebep bolǵan. Kún raıy izdeý-qutqarý jumystaryna da kedergi keltirip tur.

Aıta ketsek, 8 myń adam turatyn Kazamıchchola-Termede 2017 jyly jer silkinisi bolyp, ol kezde 2 adam kóz jumǵan.