Italııada «Koza Nostra» mafııasynyń úlken basshysy qaıtys boldy

<p><span style="font-family: sans-serif; font-size: 18px;">Italııada uzaq jyldar boıy izdeýde bolyp, aqyry qańtar aıynda ustalǵan uıymdasqan qylmystyq toptyń jetekshisi Matteo Messına Denaro qaıtys boldy, dep habarlaıdy QazAqparat <a href="https://www.aa.com.tr/ru/%D0%BC%D0%B8%D1%80/%D0%B2-%D0%B8%D1%82%D0%B0%D0%BB%D0%B8%D0%B8-%D1%81%D0%BA%D0%BE%D0%BD%D1%87%D0%B0%D0%BB%D1%81%D1%8F-%D0%B1%D0%BE%D0%BB%D1%8C%D1%88%D0%BE%D0%B9-%D0%B1%D0%BE%D1%81%D1%81-%D0%BA%D0%BE%D0%B7%D0%B0-%D0%BD%D0%BE%D1%81%D1%82%D1%80%D1%8B-/3000283" target="_blank" rel="noopener">Anadoly</a> agenttigine silteme jasap.&nbsp;</span></p>

Italııanyń ANSA aqparat agenttiginiń habarlaýynsha, eldiń ońtústigindegi Sıtsılııa aralynda jumys isteıtin «Kosa Nostra» mafııa tobynyń «úlken basshysy», birqatar qyrǵyndy uıymdastyrýshy retinde tanymal Denaro Akvıla qalasyndaǵy túrme aýrýhanasynda kóz jumǵan.

Ol munda toq ishek qaterli isigi dıagnozymen jatyp, em alǵan edi.

Uzaq jyldar boıy polıtsııadan qashyp júrgen Denaro 16 qańtarda eldiń ońtústigindegi Palermo qalasynda medıtsınalyq kómekke júgingen kezde ustaldy.

Matteo Messına Denaronyń qamaýǵa alynýy elde úlken rezonans týdyrdy.

Ol ustalǵannan keıin Akvıladaǵy qatań rejımdegi túrmege qamalyp, jabyq mekemeniń ishindegi aýrýhanada em alǵan. Ótken demalys kúnderi baspasózde onyń «komaǵa qaıtymsyz túskeni» týrady aqparat shyqty.

Denaro sońǵy 30 jyldaǵy aýqymdy qylmystyq oqıǵalarǵa, sonyń ishinde mafııaǵa qarsy kúresiniń arqasynda eldiń sımvolyna aınalǵan ataqty sýdıalar Djovannı Falkone men Paolo Borsellınony óltirdi dep aıyptalǵan.

Tergeýshilerdiń aıtýynsha, Denaronyń 1993 jyly Mılan, Florentsııa jáne Rımde bolǵan lańkestik áreketterge de qatysy bar.