Italııada ınflıatsııa jańa rekordtyq deńgeıge jetti

RIM. QazAqparat – Eldiń ulttyq statıstıka ınstıtýty (ISTAT) Italııadaǵy baǵalar tamyz aıynda ótken jyldyń sáıkes kezeńinen 8,4%-ǵa joǵary jáne 1985 jyldyń jeltoqsanynan bergi eń joǵary deńgeıge jetkenin habarlady, dep habarlaıdy QazAqparat tilshisi BBC News-ke silteme jasap.

Maýsym aıynan bastap úsh aı ishinde Italııadaǵy jyldyq ınflıatsııa deńgeıi sáıkesinshe 8%, 7,9% jáne 8,4% boldy – 1999 jyly eýro valıýtasy resmı engizilgen sátten bastap eń joǵary úsh aılyq kórsetkish.

Energııa tasymaldaýshylar baǵasynyń ósýine qaramastan, tamyz aıynda kólik qyzmetteriniń ósý qarqyny birshama baıaýlap, bir jyl burynǵyǵa qaraǵanda 8,4%-ǵa ósti.

Tutyný taýarlarynyń baǵasy 11,8%-ǵa deıin ósti, al qyzmetterge shyǵyndar 3,7%-ǵa artty.

Sonymen qatar, energııa tasymaldaýshylar, tutyný taýarlary men azyq-túlik baǵasyn alyp tastaǵandaǵy bazalyq ınflıatsııa 4,4% boldy, bul – 1996 jylǵy mamyrdan bergi eń joǵary deńgeı.

ISTAT-tyń aldyn ala málimetteri tamyz aıyndaǵy baǵalar shildege qaraǵanda 0,8% joǵary ekenin kórsetti.

Buǵan deıin habarlaǵanymyzdaı, Germanııa Federaldyq statıstıkalyq basqarmasynyń málimetinshe, eldegi ınflıatsııa maýsym men shildede azdap tómendegen edi, alaıda tamyzda qaıtadan ósti.

Foto: reuters.com