Italııada bir táýlikte 19 myń adamnan koronavırýs anyqtaldy
20:31, 25 Qazan 2020
RIM. ANSA. QazAqparat – Italııanyń densaýlyq saqtaý mınıstrligi sońǵy 24 saǵat ishinde 19 143 adamnan koronavırýs anyqtalǵanyn aıtty. Bul týraly QazAqparat ANSA agenttigine silteme jasap habarlaıdy.
Sonymen qatar sońǵy táýlikte qaýipti vırýstan 91 adam kóz jumǵan.
1000-nan asa patsıent jansaqtaý bóliminde jatyr. Sondaı-aq, 10 549 ıtalııalyq aýrýhanada em alyp jatyr.
Eske salsaq, koronavırýstyń ýshyǵýyna baılanysty Eýropanyń birqatar eli karantın sharalaryn kúsheıtýde. Al Dúnıejúzilik densaýlyq saqtaý uıymynyń ózi pandemııanyń eń qıyn kezeńine daıyn bolýǵa shaqyrdy.