Italııa Qazaqstan azamattaryna vızany jyldam berý máselesin qashan sheshedi
Búgin Syrtqy ister mınıstrligindegi baspasóz máslıhatynda tilshiler Italııa Qazaqstan azamattarynyń vızaǵa bergen ótinishterin tym uzaq qaraıtynyn aıtyp, bul másele qashan sheshiletinin surady.
Óz kezeginde Syrtqy ister mınıstrliginiń resmı ókili Aıbek Smadııarov osy másele boıynsha Italııa konsýly men elshisi QR Syrtqy ister mınıstrligine shaqyrtylyp, pikir almasý bolǵanyn jetkizdi.
«Almaty men Mılan arasynda tikeleı áýe reısi bar. Ol jaqqa baratyn jolaýshylar barshylyq. Buǵan deıin Italııa elshiligine vıza boıynsha jeke kompanııa qyzmet kórsetken. Olar osy kompanııamen kelisimshartty buzyp, qujattardy muqııat jáne jyldam óńdeıtin basqa kompanııany jaldaǵan. ıAǵnı, ıtalııalyq dıplomattar bul baǵyttaǵy jumystar sapaly ári jyldam oryndalatynyn aıtyp otyr. Sondyqtan másele aldaǵy ýaqytta sheshiledi dep sanaımyn», - dedi resmı ókil.