Italııa soty eldiń burynǵy premer-mınıstri Sılvıo Berlýskonıdi aqtady

ASTANA. QazAqparat – 15 aqpanda Italııa soty jalǵan kýálik berý úshin adamdarǵa para berdi dep aıyptalǵan 86 jastaǵy Sılvıo Berlýskonıdi aqtap shyqty. Oǵan on jyldan astam ýaqyt boıy kámelet jasyna tolmaǵandardyń jezóksheligi týraly is boıynsha aıyp taǵylyp kelgen bolatyn, dep habarlaıdy QazAqparat Reuters-ke silteme jasap.

Berlýskonıge 24 adamǵa para berdi degen aıyp taǵyldy. Onyń basym bóligi jas áıelder, olar Bunga Bunga dep atalatyn keshtiń qonaqtary bolǵan.

Buǵan deıingi sot protsesi kezinde oǵan Marokkodaǵy túngi klýbtyń 17 jastaǵy bıshisimen jynystyq qatynasqa tústi degen aıyp taǵylǵan.

Sheshimde Mılan sotynyń tóraǵasy Berlýskonı men onyń 28 aıyptalýshysyn jaýapqa tartýǵa negiz joq dep málimdep, prokýrorlardyń is materıaldaryn toltyrý kezinde zańdy qate jibergenin alǵa tartty.

Italııa senatynda otyrǵan jáne Forza Italia partııasynyń premer-mınıstr Djordj Melonıdiń konservatıvti koalıtsııasynyń negizgi bóligi sanalatyn Berlýskonı qýanyshyn jasyra almady.

«11 jyldan astam ýaqyt azap shegip, qanshama jaladan jáne sansyz saıası zalaldan keıin aqyry aqtalyp shyqtym», - dep jazdy ol Twitter-de.

Prokýratýra ony alty jyl bas bostandyǵynan aıyrýdy talap etken edi.

Foto: cpr.org