Italııa premer-mınıstri vaktsınaǵa qarsy adamdarǵa syn aıtty

BRıÝSSELЬ. QazAqparat – Italııa úkimeti osy aptada bekitken jańa erejeler eldiń kóptegen memlekettik mekemelerinde vaktsınalaý týraly sertıfıkattyń bolýyn mindetteıdi, dep habarlaıdy QazAqparat.

Italııanyń premer-mınıstri Marıo Dragı vaktsınaǵa qarsy ıdeıalardy nasıhattaıtyn adamdar «ólimge shaqyrǵanmen» birdeı dep málimdedi.

«Vaktsına almańyzdar deý – bul ólimge shaqyrý. Eger siz vaktsına almasańyz, siz aýyrasyz, ólesiz. Nemese siz óltiresiz: vaktsına almaısyz, aýyrasyz, basqalarǵa juqtyrasyz, bireý óledi», – dedi M. Dragı baspasóz máslıhatynda. Sondaı-aq COVID-19 delta nusqasynyń taralýyna qarsy turýǵa kómektesetin jańa shekteýler jarııalady.

– Vaktsınasyz bári qaıtadan jabylýy múmkin. Vaktsına taralýda jáne osy qorǵanys arqyly biz aýrýhanaǵa jatqyzý jáne ólim-jitim deńgeıi áldeqaıda tómendegenin baıqaımyz», – dep jalǵastyrdy Italııa premer-mınıstri.

Italıa buqaralyq aqparat quraldarynyń habarlaýynsha, M. Dragıdiń joǵaryda aıtylǵan málimdemeleri «Lıganyń» ońshyl partııasynyń jetekshisi Matteo Salvınıdiń aıtqandaryna jaýap boldy. Ol sońǵy kúnderi jastarǵa vaktsına alýdyń qajeti joq jáne 40-59 jastaǵy adamdar ınektsııa jasaýdy erkin sheshe alady degen bolatyn.

Beısenbide Italııa úkimeti bekitken jańa erejeler 6 tamyzdan bastap meıramhanalar, barlar, ashyq aspan astyndaǵy shoýlar, sanatorııler, basseınder, sport zaldary, jármeńkeler, kongrester men jarystardy qosa alǵanda, kóptegen qoǵamdyq mekemelerde vaktsınalaý týraly sertıfıkatty mindetti túrde qoldanýdy engizdi.

Sertıfıkat vaktsına alǵan adamdar úshin, sondaı-aq vaktsınanyń bir dozasyn ǵana alǵan adamdar jáne sońǵy 48 saǵat ishinde teris synaq kórsete alatyndar úshin jaramdy.

Italııa úkimeti tótenshe jaǵdaıdy 2021 jyldyń sońyna deıin uzartty.