Italııa premer-mınıstri otstavkaǵa ketýge ótinish berdi

NUR-SULTAN. QazAqparat – Italııanyń premer-mınıstri Marıo Dragı beısenbi kúni el prezıdenti Serdjo Mattarellaǵa otstavkaǵa ketý týraly jańa ótinish berdi. Tańerteń parlamenttiń tómengi palatasynda sóz sóılegen ol otyrysty toqtatýdy surap, memleket basshysyna baratynyn aıtty, dep habarlaıdy QazAqparat Euronews agenttigine silteme jasap.

«Men otyrysty toqtatýdy suraımyn. Sebebi óz nıetimdi (otstavkaǵa ketetinimdi – red) habarlaý úshin respýblıka prezıdentine barmaqpyn», - dedi Dragı.

Prezıdent bul ótinishti nazarǵa alyp, Úkimetke aǵymdaǵy mindetterdi oryndaýdy tapsyrdy.

Bir kún buryn Senat premer-mınıstrge eń az daýyspen senim bildirgen edi.

Daýys berýge qatysýdan birden úsh partııa – «5 juldyzdy» qozǵalys», «Alǵa, Italııa» jáne bıleýshi koalıtsııaǵa kiretin «Lıga» bas tartyp, oǵan senatorlardyń jartysynan azy qatysty.

Ótken aptada Dragı otstavkaǵa ketýge ótinish bergen edi, biraq ony prezıdent qabyldamady. Óıtkeni resmı túrde úkimet parlamenttik kópshiliktiń qoldaýyn joǵaltpaǵan edi.

Bıleýshi partııalardyń biri – «5 juldyzdy» qozǵalys ınflıatsııa úshin azamattarǵa ótemaqy tóleý týraly zań jobasy boıynsha daýys berýden bas tartýy, onyń erejeleri partııa ókilderine sáıkes kelmeýi bıliktiń qazirgi daǵdarysyna ákeldi.

Foto: euronews.com