Italııa Iran elshisin SІM-ne shaqyryp, ustalǵan jýrnalıstiń bosatylýyn talap etti

<p>ASTANA. KAZINFORM &ndash; Sesılııa Sala 19 jeltoqsanda Tegeranda jýrnalıst bolyp jumys istep júrgen kezinde qamaýǵa alynǵan.&nbsp;</p>

Beısenbi kúni Italııa Syrtqy ister mınıstrliginiń bas hatshysy Rıkkardo Gýarılıa Iran elshisi Mohammad Reza Sabýrımen kezdesý barysynda otandasyn tez arada bosatýdy talap etti. Bul týraly vedomstvo málimdemesinde habarlanǵan. 

– Rıkardo Gýarılıa Tegerandaǵy elshilik qyzmetkerlerine Salaǵa barýǵa ruqsat berýdi jáne oǵan «osy ýaqytqa deıin bas tartylǵan negizgi qajettiliktermen» qamtamasyz etýdi talap etti, - delingen habarlamada. 

29 jastaǵy Sesılııa Sala 19 jeltoqsanda ustalǵan. Sheteldik jýrnalısterdi akkredıtteıtin Irannyń Mádenıet mınıstrligi onyń tutqyndalýyna «Iran Islam Respýblıkasynyń zańdaryn buzý» sebep bolǵanyn aıtty. Mınıstrlik budan basqa qosymsha aqparat bermegen.

Sala Iranǵa 13 jeltoqsanda jýrnalıstik vızamen kelgen, biraq alty kúnnen keıin qamaýǵa alynǵan.

– Beısenbi kúngi málimdemede Irannyń Rımdegi elshiligi Gýarılıa men Sabýrı «dostyq kezdesýde» Sesılııa Sala máselesin talqylaǵanyn aıtty. Olar sondaı-aq «jalǵan aıyppen Mılanda túrmede otyrǵan Iran azamaty Mohammad Abedını máselesin de qozǵady, - delingen elshilik málimdemesinde.

38 jastaǵy ırandyq kásipker Mohammad Abedını jeltoqsan aıynda AQSh bıliginiń ótinishi boıynsha Mılan áýejaıynda qamaýǵa alynǵan. Olar ony AQSh sanktsııalary týraly zańdardy buza otyryp, ırandyq áskerılerge ushqyshsyz ushaqtardyń navıgatsııalyq bólshekterin jetkizip berdi dep aıyptaǵan.

AQSh-tyń quqyq qorǵaý organdarynyń ókilderiniń aıtýynsha, ol bólshekter qańtarda Sırııa shekarasyna jaqyn mańdaǵy ıordanııalyq áskerı bazaǵa ushqyshsyz ushaqpen jasalǵan soqqy kezinde qoldanylyp, úsh amerıkalyq áskerı qaza tapqan.

Iran bul shabýylǵa qatysy baryn joqqa shyǵardy, al Syrtqy ister mınıstrligi Abedınıdiń tutqyndalýyn halyqaralyq quqyqty buzý dep atady.

Qazirgi ýaqytta Abedını Italıanda túrmede otyr.

Beısenbide Italııa premer-mınıstri Djordjııa Melonı Syrtqy ister mınıstri Antonıo Taıanımen, ádilet mınıstri Karlo Nordıomen jáne Italııanyń barlaý qyzmetteriniń basshylarymen Sesılııa Salanyń isi boıynsha kezdesý ótkizdi.