Italııa Eýroodaq elderine shekarasyn ashady

NUR-SULTAN. QazAqparat – Italııa 3 maýsymnan bastap Eýroodaq elderine shekarasyn ashady. Sondaı-aq, ushyp kelgen sheteldikter eki aptalyq karantınge jatqyzylmaıdy, dep habarlaıdy QazAqparat euronews-ke silteme jasap.

Bılik organdary epıdemıologııalyq jaǵdaıdyń turaqtanýyna baılanysty oqshaýlaýdy alyp tastaý týraly sheshim qabyldady.

Shekarany tezdetip ashý jóninde eldiń 14% ІJÓ-ni qamtamasyz etip otyrǵan eldiń týrıstik salasy ótingen.

Degenmen bılik organdary, epıdemıologııalyq jaǵdaı nasharlaıtyn bolsa, bul merzim keıinge shegerilý múmkin ekendigin eskertedi.

Aıta ketsek, Italııa Eýroodaqqa kirmeıtin elderdiń qonaqtaryna kem degende maýsymnyń ortasyna deıin jabyq kúıinde qala bermek.

Bul shekteýdiń qashan jáne qandaı jaǵdaıda alynyp tastalatyndyǵyn Eýrokomıssııa sheshetin bolady.