Italııa elshisi Qazaqstan týraly kitap jazyp jatyr

<p>ASTANA. KAZINFORM - Italııanyń Qazaqstandaǵy elshisi Marko Albertı &laquo;Kazakhstan in 10 words&raquo; atty kitap jazyp, ony baspaǵa daıyndaýda. Bul týraly dıplomat &laquo;Kazakh Tourism&raquo; kompanııanyń basshysy Qaırat Sadýáqasovtyń &laquo;Born Bold.Travel Boldcast&raquo; avtorlyq podkastynda aıtty.</p>

Elshi óz eńbeginde jeke tájirıbesi men qyzmeti arqyly Qazaqstandy sıpattaıdy. Kitap elimizdi jańa qyrynan tanystyrýdy maqsat etedi jáne jaqynyraq tanysqysy keletinderge qyzyqty bolady.

Avtordyń sózinshe, kitap Qazaqstandy sıpattaıtyn 10 basty sózge negizdeledi. Bul týyndynyń biregeı ereksheligi bolmaq.

 — Birneshe dosymnan qandaı sózben óz elderin sıpattaıtynyn surap, osy ıdeıa týyndady. Sodan keıin men osy sózderge baılanysty óz tájirıbemdi sıpattaýdy sheshtim. Bul — meniń kitabymnyń negizgi kontseptsııasy. Men Qazaqstandy ishinen kórsetýge nıettimin. Kitap 50-60 betten turady. Ol bestseller retinde josparlanǵan joq. Men ony Qazaqstanda júrgen kezimizdegi estelikter retinde jasadym. Menińshe, eger sizde mańyzdy tájirıbe bolsa, onymee bólisý kerek. Bul adamzattyń damýyna kómektesedi. Men kitapty menen keıin keletin adamdarǵa qaldyrǵym keledi. Olar meniń tájirıbemdi paıdalanyp, biz osynda jasaǵan nárseni jaqsarta alady, — dedi elshi.

Elshi kitapty 2 tilde jarııalaýdy josparlap otyr. Ony tek qazaqstandyqtar ǵana emes, basqa elderdiń turǵyndary da oqı alady.

Podkasttyń tolyq shyǵarylymy myna siltemeden kórýge bolady.