It ustaý men olardy serýendetýdiń biryńǵaı erejesi qajet - Almaty ákimi

ALMATY. QazAqparat - Almatyda qańǵybas ıtterdiń adamdarǵa shabýyl jasaýy jıilegen. Bul týraly Almaty qalasynyń ákimi Erbolat Dosaev Áýezov aýdanynyń turǵyndarymen kezdesýinde málim boldy, dep habarlaıdy QazAqparat tilshisi.

Ákimimen kezdesý barysynda qala turǵyny «10» jáne «11» shaǵynaýdandarda túnde kóshede júrý qorqynyshty ekenin aıtyp, jaryqtandyrý máselesin sheshýdi surady. Sondaı-aq ol qalada jáne qańǵybas ıtterdiń kóbeıgenin másele etip kóterdi

«Keshke balalardy mektepten kútip alýǵa májbúrmiz. Sebebi, kósheniń jaryqtandyrylýy nashar jáne qańǵybas ıtter kóp. Osy máselelerdi sheship berseńiz»,- dedi qala turǵyny.

Erbolat Dosaev qalada qańǵybas ıtter boıynsha máseleniń ózekti bolyp turǵanyn aıtty.

«Ókinishke qaraı, qazir qańǵybas ıtterdiń adamdarǵa shabýyldaýy jıilegen. Sondyqtan qalada ıt ustaý men olardy serýendetý boıynsha Biryńǵaı ereje kerek. Onyń ústine biz máslıhatqa qańǵybas ıtterdi aýlaý boıynsha usynys engizetin bolamyz. Jyl sońyna deıin joǵaryda atalǵan ereje qabyldanyp, qańǵybas ıtterdiń de máselesi sheshimin tabady dep oılaımyz», - dedi qala ákimi Erbolat Dosaev.