It taýda kóz jumǵan ıesin 2 aı boıy kúzetip janynda otyrǵan

<p>71 jastaǵy Rıch Mýr 19 tamyzda ıti Fınnımen birge Kolorado shtatyndaǵy Pagosa-Sprıngstegi úıinen shyǵyp ketken. Tájirıbeli saıahatshy teńiz deńgeıinen 12 500 fýt bıikte ornalasqan Blekhed shyńyna shyǵýdy josparlaǵan. Atalmysh shyńǵa shyǵý úlken kúsh-jigerdi qajet etedi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://allthatsinteresting.com/rich-moore" target="_blank" rel="noopener">All That&rsquo;s Interesting</a> saıtyna silteme jasap.</p>

Olar úıden ketkende kún jyly, aýa raıy ashyq boldy. Mýr men Fınnı keshke úıine oralmaǵasyn jaqyndary olardyń joǵalyp ketkenin habarlaǵan.

Іzdestirý sharalary júrgizilgenimen, qutqarýshylar ıt pen ıesin taba almaǵan.

Keıinirek Rıch Mýrdyń taýda qaıtys bolǵany habarlandy. 30 qazanda jergilikti ańshy ózen basseıniniń mańynan Rıch Mýrdyń denesin taýyp alǵan.

Adal ıt ıesiniń denesin eki aıdan astam ýaqyt boıy kúzetip turǵan.

Iesimen birge taýǵa shyǵyp ábden úırengen ıt tyshqan, ala tyshqan syndy usaq ańdardy aýlaǵan.

Archýleta okrýginiń koroneri Bred Hant The Washington Post basylymyna Rıch Mýrdyń sýyq tıip qaıtys bolǵanyn aıtty. Onyń ústinde kapıýshony bar maqta kúrte ǵana bolǵan.

Taýdaǵy temperatýra tamyz aıynyń ózinde qaýipti tómen deńgeıge jetýi múmkin.

«Pagosa-Sprıngste aýa raıy jyly bolǵanymen, taýda aıtarlyqtaı sýyq boldy», - dedi Hant.

Qutqarýshylardyń aıtýynsha, Rıch Mýr men Fınnıdi izdeý jumystary tamyz aıynda 2000 saǵatqa sozylǵan.

Aqyrynda izdeý jumystary toqtady.

Máıitti jergilikti ańshy qazan aıynda shyńnan shyǵysqa qaraı eki mılden astam jerde, izdeý júrgizilgen jerge qarama-qarsy baǵyttan taýyp alǵan.

Er adamnyń nelikten bul jolǵa túskeni belgisiz.

Hanttyń aıtýynsha, Rıch Mýr adasyp, baǵdaryn joǵaltyp alǵan sııaqty.