It talastyrý men janýarlarǵa qatygezdik jasaýǵa tosqaýyl qoıatyn talaptar kúsheıtiledi
Zań jobasynyń maqsaty – janýarlarǵa qaraýdy quqyqtyq retteý jáne olarǵa izgilikpen qaraý. Qujat azamattardyń adamgershilik tárbıesiniń ıdeologııasyn, atap aıtqanda, janýarlardy ustaýdyń moraldyq jáne adamgershiliginiń negizgi prıntsıpterin qalyptastyrady.
«Atalǵan prıntsıpterdi iske asyrý úshin talaptar men qaǵıdalardy belgileý arqyly osy quqyqtyq qatynastardyń memlekettik retteý mehanızmderi de bekitildi. Sonyń ishinde janýarlardy asyraýǵa jáne tasymaldaýǵa, sondaı-aq ósirýge jáne veterınarııalyq qyzmetter kórsetýge qoıylatyn jalpy talaptar, janýarlarǵa qatygezdikpen qaraýdy nasıhattaýǵa tyıym salý qarastyrylǵan», - dedi Ekologııa, geologııa jáne tabıǵı resýrstar mınıstri Serikqalı Brekeshev,
Budan basqa, zań jobasynda jekelegen sanattaǵy janýarlarǵa qaraý jáne asyraý kezindegi talaptar anyqtalǵan. Sondaı-aq, osy saladaǵy qoǵamdyq baqylaý ınstıtýtyn alańdaýshylyq tanytatyn azamattarmen jáne qoǵamdyq uıymdarmen qalyptastyrý kózdelgen.
«Chıpteý» degenge qatysty, zań jobasy úı janýarlaryn esepke alý ónimin (quralyn) ıeleri esebinen aqyly negizde paıdalana otyryp, úı janýarlaryn mindetti esepke alýdy engizedi. Budan basqa, osy aıtylǵandardy josparly iske asyrý jáne úı janýarlaryn esepke alýdy júzege asyratyn uıymdarǵa, sondaı-aq olardyń ıelerine birjolǵy jappaı júktemeni boldyrmaý maqsatynda Zań jobasynda úı janýarlaryn mindetti esepke alý boıynsha keıinge qaldyrý normasy kózdelgen (2023 jylǵy 1 qyrkúıekten bastap)», - dedi mınıstr.
Onyń aıtýynsha, qujat janýarlarǵa qatysty jaǵymsyz kórinisterge tosqaýyl qoıady: ıtterdi tóbelestirý, anestezııasyz veterınarııalyq operatsııa jasaý, janýarlardy jazyqsyz óltirý, janýarlardy álsiretý jáne olarǵa ýaqtyly kómek kórsetpeý, qatygezdikpen aýlaý áreketteri jatady.
«Janýarlardy jaýapkershilikpen qaraý týraly» zań jobasyn qabyldaý barlyq tirshilik ıelerine adamgershilik pen izgilikti tárbıeleýge múmkindik beredi dep sanaımyz. Búgin biz janýarlardy qorǵaý mindetin sheship qana qoımaı, bolashaq urpaq úshin vektor ornatamyz», - deıdi vedomstvo basshysy.
Sonymen qatar, jalpy otyrysta «Qazaqstan Respýblıkasynyń keıbir zańnamalyq aktilerine janýarlarǵa jaýapkershilikpen qaraý máseleleri boıynsha ózgerister men tolyqtyrýlar engizý týraly», «QR Ákimshilik quqyq buzýshylyq týraly kodeksine janýarlarǵa jaýapkershilikpen qaraý máseleleri boıynsha ózgerister men tolyqtyrýlar engizý týraly» ilespe zań jobalary da birinshi oqylymda maquldandy.