ІT-synyptardy ashýda Qaraǵandy oblysyndaǵy jumystar kóńil qýantady - Máýlen Áshimbaev
Sapar barysynda Máýlen Áshimbaev qazirgi zamanǵy energotıimdi jabdyqpen qamtamasyz etilgen kásiporynda boldy. Sondaı-aq oqýshylarǵa baǵdarlamalaý men robot tehnıkalarynyń negizderin úıretetin IT-ortalyqtar men IT-synyptarǵa bardy. Partııa Tóraǵasynyń Birinshi orynbasary arnaıy at basyn burǵan nysandardyń qatarynda Sátbaev qalasyndaǵy Ortalyq kitaphana da bar. Jańa partııalyq bastamalar sheńberinde onda zamanaýı «Co-working ortalyǵy» ashylǵan.
«Nur Otan» partııasynyń jańa jobalarynyń negizgi baǵyttarynyń biri «Tsıfrlyq Qazaqstan» baǵdarlamasyn iske asyrýmen baılanysty ekeni málim. Osyǵan oraı partııa Elbasynyń tsıfrlandyrý men ekonomıkalyq jaǵynan bilimdi mamandardy daıyndaý jónindegi bastamasyna qoldaý bildirýdi kózdeıdi.
Jezqazǵanǵa sapary kezinde partııa Tóraǵasynyń Birinshi orynbasary aldymen TMD men Eýropa elderiniń aýmaǵynda aldyńǵy qatarly kásiporyndardyń biri bolyp sanalatyn «Ulytaý Nan» nan zaýytyna bardy. Munda barlyq jumys protsesi avtomattandyrylǵan. Sý fızıkalyq, hımııalyq jáne ýltrakúlgin súzgiler arqyly tazartylady. Unnyń sapasy da arnaıy qondyrǵylar arqyly tekseriledi. Ár ónimge qajetti shıkizatty kompıýter eseptep, kerek unnyń, tuzdyń jáne qanttyń mólsherin avtomatty túrde beredi. Osydan keıin jumysqa avtomatty qamyr ılegishter, kesýge, jaıýǵa, qamyrdy aınaldyrýǵa arnalǵan mashınalar iske qosylady. Jasalǵan ónimder qajetti temperatýra men dymqyldyq saqtalatyn kóterilý qondyrǵysyna, odan ári rotatsııalyq nemese jalpaq peshterge jóneltiledi. Jańa kásiporyn táýligine 35 tonnaǵa deıin nan ónimin shyǵarady. Daıyn ónim Jezqazǵan men Sátbaev qalalaryna jáne Qarajal men Ulytaý aýdandaryna jetkiziledi. Zaýyt Elbasy aıqyndap bergen tsıfrlandyrý jónindegi barlyq talaptarǵa tolyq saı keletinin de erekshe atap ótken jón.
Kásiporyn qyzmetkerlerimen kezdesýde Máýlen Áshimbaev mundaı zamanaýı óndiris oshaǵynyń ashylýy jáne aldyńǵy qatarly ınnovatsııalyq tehnologııalardyń engizilýi jergilikti halyqtyń jumyspen qamtylýyna múmkindik berip, óńirdiń ekonomıkalyq ahýalyn jaqsarta túsetinin atap ótti. Odan bólek, Partııa Tóraǵasynyń Birinshi orynbasary endi tipti nan kombınatynda da ІT-mamandar men baǵdarlamshylarǵa degen suranystyń bar ekenine nazar aýdardy. Óıtkeni, zaýyt jumysy tolyqtaı kompıýter arqyly júrgiziledi. Bul talaptarǵa saı mamandar aldaǵy ýaqytta partııanyń qoldaýymen qolǵa alynǵan IT-ortalyqtar jobasy boıynsha daıyndalmaq.
Jezqazǵanda baǵdarlamalaý negizderin úıretetin IT-ortalyq «UTARI KZ» óndiristik ınnovatsııalyq kompanııasynyń bazasynda ashyldy. Ol jerde balalarǵa arnalǵan tegin IT-synyptar jumys isteıdi. Máýlen Áshimbaev atalǵan oryndarǵa da arnaıy baryp, kompanııanyń jumysymen tanysty. Bul jerde hımııa, munaı-gaz, metallýrgııa, tamaq, dári-dármek, avtomobıl óndirisi, kommýnaldyq sharýashylyq, transport pen qurylys salasynyń jumysshylary úshin arnaıy kıimder shyǵarylyp, kúndelikti ómir men demalýǵa arnalǵan kıimder tigiledi. Kásiporyn kompıýterlik baǵdarlamamen basqarylatyn arnaıy qondyrǵymen jabdyqtalǵan.
Tigin tsehynyń jumysshylarymen kezdesken Máýlen Áshimbaev sońǵy aılarda «Nur Otan» partııasy áleýmettik máselelerge jiti kóńil bólip, aýqymdy jumystar atqaryp jatqanyn tilge tıek etti.
«Partııa Saıası keńesiniń otyrysynda Elbasy osy baǵyttaǵy birqatar jańa jobalarymyzdy bekitip, naqty tapsyrmalar berdi. Sondyqtan qazir atalǵan bastamalardy júzege asyrý partııa jumysynyń basym baǵyty. Olardyń qatarynda elimizdiń bolashaǵy sanalatyn óskeleń urpaqtyń deni saý, bilimdi, básekege qabiletti bolyp qalyptasýy úshin jaǵdaı jasaý isi bar ekenin erekshe atap ótken jón. Soǵan oraı balalarymyzdy aldaǵy ýaqytta suranysqa ıe, zaman talabyna saı mamandyqtar boıynsha oqytyp, sapaly bilim alýyn qamtamasyz etemiz. Sondyqtan partııa elimiz boıynsha ІT-synyptar ashýdy qolǵa aldy. Osy rette atalǵan synyptardy Astana, Almaty sııaqty iri shaharlarda ǵana emes, Jezqazǵan sııaqty monoqalalar men aýdan ortalyqtarynda ashyp, ortalyqtan shalǵaıda jatqan eldi mekenderdegi balalardyń tsıfrlyq saýattylyǵyn arttyrýǵa, básekege qabiletti bolýyna, bolashaqtyń mamandyqtaryn ıgerýge jaǵdaı jasaýymyz kerek. Osy turǵydan kelgende Qaraǵandy oblysynda atqarylyp jatqan jumystar kóńil qýantady. Oblys boıynsha qazirdiń ózinde birneshe ІT-synyptar ashylyp, jergilikti jastar zamanaýı bilim alýda, - dedi ol.
Osy rette «Nur Otan» partııasy qazaqstandyq IT-kompanııalar men óńirlik joǵarý oqý oryndarynyń bazasynda 20 IT-ortalyq jáne tegin 1000 ІT-synyp ashýdy qolǵa alyp, tıisti jumystardy bastap ketkenin atap ótken jón. Máýlen Áshimbaevtyń aıtýynsha, partııa ІT-synyptardy ashý arqyly jastarǵa baǵdarlamalaý negizderin úıretip qana qoımaı, robot tehnıkalary men 3D modeldeýdi de meńgerýge jaǵdaı jasaıdy.
Jezqazǵanda «Rýhanı jańǵyrý» baǵdarlamasynyń «Týǵan jer» jobasy boıynsha da jumystar qarqyndy. Sonyń aıasynda áleýmettik az qamtylǵan azamattarǵa arnalǵan jataqhana qaıta jańǵyrtylyp, jergilikti kompanııalardyń jas mamandaryna berilgen. Bul jataqhananyń ózgelerden basty aıyrmashylyǵy retinde onda birqatar partııalyq jobalardyń júzege asyrylýyn aıtýǵa bolady. ıAǵnı, nurotandyq kásipkerler bul jerde jańa partııalyq bastamalarmen úndesetin birneshe qyzyqty bilim berý jobalaryn iske qosqan. Aıtalyq, ǵımarattyń birinshi qabatynda «Open space library» aımaǵy - ashyq elektrondyq kitaphanasy ornalasqan, al janynda «Úsh tuǵyrly til» baǵdarlamasy boıynsha ashylǵan «Qazaq kluby» men «English club» jumys isteıdi. Jataqhanada derbes «Co-working ortalyǵy», «ıArkıe ýmy» bilim men damý ortalyǵy, «Lıderler mektebi», «Business mentoring» jáne «Magic kitchen» ortalyqtary, shahmat pen toǵyzqumalaq oıynynyń stýdııasy bar. «Nur Otan» partııasynyń balalarǵa arnalǵan tegin IT-synyptar jobasy boıynsha «IT TECHNOLOGY FOR YOU» ortalyǵynyń bazasynda qazirgi zamanǵy IT-synyptar ashylǵan.
Bul jerde baǵdarlamalaý men robot tehnıkasy salasy álemdik standartqa saı oqytylady. Jyldyń sońyna deıin «Atameken» ulttyq kásipkerler palatasy jáne óńirdegi bıznes ókilderimen birge 2500-nan astam adamdy qamtıtyn balalarǵa arnalǵan tap osyndaı 40 IT-synyp ashý josparlanǵan.
«Rýhanı jańǵyrý» baǵdarlamasyn iske asyrý sheńberinde nurotandyqtar elimizdegi kitaphanalardy zamanaýı bilim ortalyqtaryna aınaldyrý bastamasyn qolǵa alǵany belgili. Máýlen Áshimbaev Sátbaev qalasyndaǵy osyndaı jańa bilim berý ortalyǵyna arnaıy bardy. Munda «So-working ortalyǵy» jergilikti kitaphana bazasynda ashylǵan. Onda jastardyń jumys isteýi jáne demalýy úshin barlyq jaǵdaı jasalǵan. Atap aıtqanda, top bolyp jáne jeke jumys isteýge arnalǵan aımaqtar, tegin Wi-Fi, qajetti tehnıka jáne taǵy basqa múmkindikter qarastyrylǵan. Jastarmen kezdesýinde partııa Tóraǵasynyń Birinshi orynbasary, osy jyldyń sońyna deıin «Nur Otannyń» qoldaýymen Qaraǵandy oblysynda taǵy da birqatar bilim ortalyǵynyń ashylatynyn aıtty.
««Rýhanı jańǵyrý» baǵdarlamasyn iske asyrýǵa júıeli túrde qatysý partııa qyzmetiniń basym baǵyttarynyń biri. Elimizde bilimge degen qushtarlyqty arttyrý osy baǵdarlamanyń negizgi máni bolyp tabylady. Jańa «So-working ortalyqtarynda» jastar tek kitap oqyp qana qoımaı, bir-birimen aralasyp, erkin pikir almasýyna jaǵdaı jasalǵan. Kitaptardyń ózderi de elektrondy nusqaǵa kóshiriledi. Muny jastar tıimdi paıdalanyp, bilimi men biliktiligin arttyrýlary tıis. Qazir elimizde aǵylshyn tilin úırený úshin júıeli jumystar júrgizilip jatqany belgili. Bul jerde de bir tilmen shektelmeı, basqa tilderdi meńgerýge talpyný kerek. Jastar áleýmettik, qoǵamdyq jumystarǵa belsendi qatysyp, elimizdiń damýyna óz úlesterin qosýy tıis», - dedi Máýlen Áshimbaev.
Partııa Tóraǵasynyń tapsyrmasy boıynsha nurotandyqtar aǵa urpaqty qoldaýǵa baǵyttalǵan taǵy bir mańyzdy «Ardagerlerdi ardaqtaıyq» jobasyn iske asyrýda. Odan bólek, Jeńis kúni qarsańynda partııanyń bastamasy boıynsha «Erlik eshqashan umytylmaıdy» is-sharasy da qatar júrgizilip keledi. Jezqazǵanǵa sapary barysynda Máýlen Áshimbaev 95 jasqa tolǵan Uly Otan soǵysynyń ardageri Nına Stepanovna Vınogradovamen kezdesip, maıdangerdi mereıtoıymen quttyqtady.