IT salasyndaǵy áıelder tasqynnan zardap shekken balalarǵa planshetter men uıaly telefondar jiberedi

<p>ASTANA. KAZINFORM &ndash; &laquo;Technowomen Qazaqstan&raquo; úkimettik emes uıymy sý tasqynynan zardap shekken aımaqtaǵy oqýshylarǵa bilim alý protsesin úzbeý úshin planshetter, modemder men uıaly telefondar jiberedi. Bul týraly elordada &laquo;TECHNOWOMEN SENTRAL ASIA: AI FUTURE&raquo; forýmynda aıtyldy.</p>

Forýmnyń alǵashqy kúninde tasqynnan zardap shekkender úshin gýmanıtarlyq jıyn jarııalanady.

«Іs-sharanyń úsh kúninde kóp kútiletin qatysýshylarymyzdyń kómegimen biz qarajat jınap, olardy zardap shekkenderge kómek kórsetýge baǵyttaı alamyz dep úmittenemiz. Sondaı - aq, forýmda kataklızmdi baqylaý, atap aıtqanda, jasandy ıntellekt pen jańa tehnologııalardyń kómegimen sý tasqynyn baqylaý taqyrybynda pikirtalas ótkizý týraly sheshim qabyldadyq», - dedi Qazaqstandaǵy «TechnoWomen» KEU basqarma tóraǵasy Azıza Shýjeeva.

Onyń aıtýynsha, forýmnyń bıylǵy taqyryby jasandy ıntellektke arnalady jáne sý tasqyny jaǵdaıynda JI kómegimen tabıǵı apattardyń aldyn alý ádisteri talqylanbaq.

«Biz sý tasqynynan zardap shekken otbasylar úshin «Jalǵyz emessiń» aktsııasyn iske qostyq. Onlaın psıhologııalyq keńes berýdi uıymdastyrdyq jáne qazir onlaın zańgerlik kómekti qosyp jatyrmyz. Bul joba birneshe kún boıy jumys isteıdi jáne qazirdiń ózinde tasqynnan keıin qalypqa kelý úshin tsıfrlyq daǵdylardy úırenýge daıyn áıelderden keri baılanys aldyq. Olar is júzinde jańa ómir bastaıdy jáne ınternettiń kómegimen aqsha taba alady. Taqyryp óte ózekti. TechnoWomen jobasynyń mıssııasy – tsıfrlandyrýdy kópshilikke jetkizý», - dedi Á.Shýjeeva.