It-mysyǵyn veterınarǵa jıi aparatyndar Astana men Tarazda turady

ASTANA. QazAqparat - Bıylǵy qańtar-qyrkúıekte Qazaqstanda veterınarııalyq qyzmet salasynda kórsetilgen qyzmetter kólemi 33 mlrd teńgeni qurady. Bul ótken jyldyń sáıkes kezeńimen salystyrǵanda 4,4%-ǵa artyq, dep habarlaıdy QazAqparat.

Ulttyq statbıýro málimetinshe, bul qyzmet túri aýyldyq jerlerde 13 mlrd teńgege kórsetilgen.

Óńirlik bóliniste qyzmetterdiń eń kóp kólemi elordada kórsetilgen. Astanada osy jyldyń 9 aıynda 3,9 mlrd teńgege qyzmet kórsetildi.

Sondaı-aq, aıtarlyqtaı kólem Jambyl (2,7 mlrd teńge), Túrkistan (2,4 mlrd teńge) jáne Aqmola oblystarynda (2,3 mlrd teńge) tirkeldi.

Veterınarııa salasyndaǵy qyzmet kólemi eń tómen óńir Ulytaý oblysy - 362 mln teńge.