IT-keńestiń nátıjesi: elordaǵa qandaı ózgerister engizildi

NUR-SULTAN. QazAqparat - Elorda ákimi Altaı Kólginovtiń tóraǵalyǵymen IT-keńes qurylǵan sátten bastap, birqatar mindetter qoıyldy, tıisti IT-sheshimder engizildi. 2020 jyldyń qyrkúıek aıynda IT-keńes quryldy. Qazirgi ýaqytta qoǵamdastyqtyń ınnovatsııalyq qyzmetiniń áseri aıtarlyqtaı baıqalady, dep jazady astana.gov.kz.

Negizgi mindet – IT-ındýstrııaǵa qatysýshylardy biriktirý. Munda tsıfrlandyrý salasyndaǵy qalanyń biryńǵaı ekojúıesin iske asyrýǵa qatysty ár adamnyń óz kózqarasyn bildirýine, qala turǵyndaryna yńǵaıly bolýy úshin tsıfrlyq jobany tanystyrýyna, sondaı-aq Nur-Sultan qalasy ákimdiginiń bolashaq IT-jobalaryn iske asyrý boıynsha usynystaryn bildirýine múmkindigi bar.

1. IT-keńestiń úsh kezdesýiniń qorytyndysy boıynsha birqatar sheshim engizildi. Olardyń biri – «Bultty qujat aınalymy». Eskertýler negizinde Documentolog platformasyna ózgerister engizildi. Sonymen qatar azamattardyń suranystaryna jedel den qoıý jáne jergilikti atqarýshy organdardyń tıimdi ózara is-qımyly úshin servıstik qýattylyqtardaǵy bultty júıe ózgertildi. Bultty qujat aınalymy – qujattarmen jumys isteý úshin paıdalanýshyǵa ınternet-servıs retinde usynylatyn qazirgi zamanǵy qujat aınalym tehnologııasy.

2. Sondaı-aq, qazirgi ýaqytta «aqyldy lıýk» jobasyn pılottaý júzege asyrylýda. Pılotty jobada eki kompanııanyń sheshimderi qarastyrylady. «Manhole» – káriz lıýkterine qashyqtan monıtorıng júrgizedi jáne qyzmet kórsetý júıesin baqylaıdy. Joba IoT tehnologııasyna negizdelgen baǵdarlamalyq-apparattyq sheshim bolyp sanalady. Júıe geografııalyq baılanysy bar lıýkterdiń jaı-kúıin, lıýkterdiń ashylý jáne jabylý ýaqytyn baqylaýyna, dıspetcherlik ekranǵa habarlandyrý alýyna, sondaı-aq elektrondyq poshta arqyly bilýine múmkindik beredi. Ekinshi pılottyq kompanııa káriz lıýkteri qaqpaqtarynyń ornalasýyn baqylaýdyń ınnovatsııalyq jobasyn ázirlep shyqty. Búrkit baǵdarlamalyq platformasy qaqpaqtardyń ornalasqan jeri týraly aqparatty jedelhat-bottyń kómegimen jiberedi jáne lıýk qaqpaǵynyń urlaný faktisi týraly dereý ýákiletti organdarǵa habarlaıdy. Pılotty joba aıasynda Ikomek pen Otyn-energetıkalyq kesheni jáne kommýnaldyq sharýashylyq basqarmasy birlesip, qala aýmaǵynda 60 datchıktiń lıýkterdi monıtorıngileý júıesin testileý men engizýin júrgizedi. Testileý qorytyndylary boıynsha neǵurlym tıimdi sheshimdi taldaý jáne irikteledi. Pılottyq joba lıýkterdiń urlanýynyń jáne onyń saldarynan qala turǵyndarynyń jaraqattanýynyń aldyn alý úshin iske qosyldy.

3. Sonymen qatar, IT-keńestiń sheshimi boıynsha №10, №87, №54 mektepterde beıindi pánderdiń bilim berý baǵdarlamasyn vızýalızatsııalaý boıynsha Rocket Science baǵdarlamasy engizildi. Joba qashyqtan oqytý kezinde bilim sapasynyń artýyna áser etti. Interaktıvti kontentti qala mektepterinde keńeıtý josparlanýda.

4. Qala sáýletin damytýǵa erekshe kóńil bólindi. Kezdesýde IT-qoǵamdastyqqa qatysýshylar geoportaldy jańǵyrtý máselelerin talqylap, elordanyń bas josparynyń júıesin jetildirý boıynsha usynystar engizdi. Geoportal birinshi kezekte qala turǵyndary men bıznes-qoǵamdastyq úshin qajet málimetterdi izdeý kezinde yńǵaıly bolý úshin qurylǵan. Sondaı-aq, jerdiń elektrondyq kartasy qala alańyn tıimdi bólýdi josparlaýǵa septigin tıgizedi. Barlyq júıeni ıntegratsııalaýdy qamtamasyz etedi jáne ýrbanıstıka qaǵıdattaryn ustana otyryp, qalany jaqsartýǵa áser etedi.

5. Buǵan qosa qoqys shyǵarý jumysy avtomattandyrylǵanyn atap ótken jón. Engizilgen beıne-tirkeý júıesi men GPS trekerler onlaın-rejımde qoqys shyǵarý boıynsha jumystardy oryndaý sapasy men qaýipsizdigin baqylaýǵa múmkindik berdi.

6. Qala turǵyndarynyń belsendi ómir saltyn ustanýy úshin ınfraqurylym qarqyndy damýda. Jańa saıabaqtar, velosıped joldary jasalyp jatyr, aýlalar korttarmen jáne kóshe trenajerlerimen jabdyqtalǵan. Osylaısha, 2020 jylǵy 29 jeltoqsanda Smart Sport jobasy tanystyryldy. Ol turǵyndardyń salaýatty ómir saltyn ustanýyna, turǵyndar arasynda sportty tanymal etýge kómektesedi.

2020 jylǵy 29 jeltoqsanda ótken qorytyndy IT-keńeste qalalyq servısterdiń sapasyn jaqsartý úshin Qazaqtelekommen kelisimge qol qoıyldy. Qazirgi ýaqytta tsıfrlyq bastamalardy engizý jumystary jalǵasýda. Elordalyq tsıfrlandyrý basqarmasy qalanyń ár basqarmasymen aqparattyq tehnologııalardyń kómegimen sheshýge bolatyn jumystardy pysyqtaýda.

Bıyl IT-komıýnıtı saraptamalyq ortasynyń toqsan saıynǵy kezdesýi josparlanyp otyr. Aldaǵy IT-keńeske qatysýǵa nemese tsıfrlyq sheshimniń tusaýkeserine qatysty máselelerdi Nur-Sultan qalasynyń tsıfrlandyrý jáne memlekettik qyzmetter basqarmasynyń elektrondyq poshtasyna jiberýge bolady: [e-mail]. Baılanys telefony: 55-73-61.