It baptap júrgenime 20 jylǵa jýyqtady – kınolog áıel

ÓSKEMEN. QazAqparat – Joǵalyp ketken adamdardy izdeý, túrli tótenshe jaǵdaılarda kómekke umtylý - bul kınologtar men olardyń tórt aıaqty dostarynyń jumysy. ShQO Tótenshe jaǵdaılar departamenti órt sóndirý jáne apattyq-qutqarý jumystary qyzmetiniń kınologııa bólimshesiniń quramynda 4 kınolog pen 5 qyzmettik ıt bar, dep habarlaıdy QazAqparat tilshisi.

Ujymda er adamdarmen qatar názik jandar da jumys isteıdi. Janýarlarǵa degen súıispenshilik olarǵa mamandyq tańdaýda baǵdar boldy. Natalıa Drojjınanyń atalǵan kınologııa bólimin basqaryp kele jatqanyna 19 jyl tolyp otyr. Onyń qyzmeti úlken jaýapkershilikti talap etedi. Natalıanyń óz mindetin joǵary deńdeıde oryndaýyna súıikti ıti kómektesedi.

«Tórt aıaqty dosym Rem birbetkeı jáne qyńyr minezdi. Biraq ol ár tapsyrmaǵa den qoıyp, oryndaýǵa ázir. Jumystyń sátti oryndalýynyń 80%-y ıtterge baılanysty. Kez-kelgen tótenshe jaǵdaıda, mysaly, qıraǵan ǵımarattardyń arasynda ıt qutqarýshylarǵa durys jol kórsetip, jábirlenýshini tezirek tabady», - deıdi ol.

Natalıa jumystan bos ýaqytyn da úı janýarymen birge ótkizedi.

Itterdi bala kúninen jaqsy kóretin Marına Tsýkanova bul salada jumys istep júrgenine rıza.

«Ittermen jumys istegende eń bastysy meıirimdilik qajet. Jumysta kásibı maman bolsam, úıde anamyn. Qysta balalarymmen birge tabıǵatqa shyǵyp shańǵy tebýdi jaqsy kóremiz. Árıne, úı janýarlarymyzdy ózimizben birge alyp kelemiz. Itterdi shanaǵa jegip, balalardy syrǵanatamyn, - deıdi Marına.