Ystyqkóldegi sel: birqatar jol jabyldy

<p>ASTANA. KAZINFORM &mdash; Qyrǵyzstannyń Ystyqkól oblysynyń keıbir aýdandarynda nóser jaýyn saldarynan sel júrip, birqatar joldy sý basty.</p>

Kyrǵyz Respýblıkasy Kólik mınıstrliginiń málimetinshe, jergilikti bılik organdary, TJM jáne jol qyzmetteri qatty nóser jaýǵan Jetiquz, Aq-Sýı, Ystyqkól, Tonsk aýdandaryndaǵy avtokólikterdiń júrýine shekteýler engizdi.

Tomsk aýdanynda sý ótkizgish qubyrlardy sý shaıyp ketti.

Birqatar jol ýaqytsha jabyldy:

• Grıgorevka – Grıgorevka – Qashqa-Sýý shatqalyna aparatyn jol (0-16 km);
• Bókónbaev – Kól-Tór – Dóń-Talaa, Kól-Tór – Qońyr-Olon ýchaskesi (42-43 km);
• Toǵyz-Bulaq aýylyna aparatyn jol;
• Aq-Saı - Kók-Saı jáne Aq-Terek - Dóń-Talaa joldary;
• Balyqshy – Bókónbaeva – Qarakól jolynyń ýchaskesi (60-70 km, Kesken-Bel ýchaskesi);

Osy joldyń 58-shi shaqyrymynda Qyzyl-Týý aýylyndaǵy kópir apatty jaǵdaıda, kólik qozǵalysy shektelgen.

Toń jáne Jeti-Oǵyz óńirinde tótenshe jaǵdaı jarııalandy. Tabıǵat apatynyń saldaryn joıý boıynsha jergilikti jerlerde jumystar júrgizilip jatyr.