Іsti bolǵan Joǵarǵy sot sýdıasy qyzmetinen bosatyldy

NUR-SULTAN. QazAqparat – Búgin Senattyń jalpy otyrysynda isti bolǵan Meıram Janǵuttınovty QR Joǵarǵy sotynyń sýdıasy qyzmetinen bosatý týraly sheshim qabyldandy, dep habarlaıdy QazAqparat tilshisi.

QR Joǵary Sot Keńesiniń tóraǵasy Denıs Shıptiń aıtýynsha, sottyń aıyptaý úkimi zańdy kúshine engenine baılanysty M. Janǵuttınovty Joǵarǵy sot sýdıasy laýazymynan bosatý usynynymy engizilip otyr.

Palata depýtattary atalǵan usynysqa qatysty sheshim qabyldap, M. Janǵuttınovty qyzmetinen bosatty.

Eske sala keteıik, byltyr jeltoqsan aıynda QR Joǵarǵy sotynyń burynǵy sýdıasy Meıram Janǵuttınov sot sheshimimen 5 jylǵa bas bostandyǵynan aıryldy.

Elordalyq sottyń habarlaýynsha, M. Janǵuttınov jaýapty memlekettik laýazymdy atqaratyn tulǵa bola otyryp (QR Joǵarǵy sotynyń sýdıasy, búginde ókilettigi toqtatyldy), para alý jeleýimen Turǵynbaevadan (Shymkent qalasy Ál-Farabı aýdandyq sotynyń sýdıasy, ókilettigi toqtatyldy) deldal Abdýsattarov arqyly 7 myń AQSh dollary somasyndaǵy qarajatty ıemdenýge tyrysty. Joǵarǵy sottyń eks-sýdıasy M. Janǵuttınov aqsha alý kezinde ustalǵan.