Ystanbulda shirkeýge jasalǵan shabýylǵa qatysy bar degen kúdikpen 17 adam ustaldy

<p>ASTANA. KAZINFORM - Ystaybulda júrgizilgen operatsııa barysynda Saryer aýdanyndaǵy Santa-Marııa shirkeýine jasalǵan shabýylǵa qatysy bar 17 adam ustaldy, dep habarlaıdy <a href="https://www.aa.com.tr/ru/%D1%82%D1%83%D1%80%D1%86%D0%B8%D1%8F/%D0%B2-%D1%82%D1%83%D1%80%D1%86%D0%B8%D0%B8-%D0%B7%D0%B0%D0%B4%D0%B5%D1%80%D0%B6%D0%B0%D0%BB%D0%B8-17-%D0%BF%D0%BE%D0%B4%D0%BE%D0%B7%D1%80%D0%B5%D0%B2%D0%B0%D0%B5%D0%BC%D1%8B%D1%85-%D0%B2-%D0%BF%D1%80%D0%B8%D1%87%D0%B0%D1%81%D1%82%D0%BD%D0%BE%D1%81%D1%82%D0%B8-%D0%BA-%D0%BD%D0%B0%D0%BF%D0%B0%D0%B4%D0%B5%D0%BD%D0%B8%D1%8E-%D0%BD%D0%B0-%D1%86%D0%B5%D1%80%D0%BA%D0%BE%D0%B2%D1%8C-%D1%81%D0%B0%D0%BD%D1%82%D0%B0-%D0%BC%D0%B0%D1%80%D0%B8%D1%8F/3126654" target="_blank" rel="noopener">Anadoly</a> aqparat agenttigi.</p>

Shabýyl saldarynan bir adam qaza tapqan. 

Qaýipsizdik kúshteri kózderinen alynǵan málimetke sáıkes, Túrik barlaý uıymy (MİT)

Qaýipsizdik Bas basqarmasymen birge júrgizgen tergeý barysynda Santa-Marııa shirkeýine jasalǵan shabýylǵa qatysy bar adamdar anyqtaldy. 

Ystanbuldaǵy operatsııa el aýmaǵynda bolýy múmkin shabýyldardyń aldyn alý maqsatynda júrgizildi. 

Operatsııa barysynda 17 kúdikti ustalyp, mekenjaılardy tintý kezinde uıymnyń kóptegen qujattary tárkilendi.

Túrik barlaý qyzmetteri júrgizgen jumystarynyń arqasynda 2023 jyldyń jeltoqsan aıynda Túrkııadaǵy sınagogalar men shirkeýlerge, sondaı-aq Irak elshiligine qarsy josparlanǵan DAISh lańkestik áreketteriniń aldy alyndy. Kóptegen kúdikti ustalyp, uıymǵa tıesili tsıfrlyq materıaldar tárkilendi.