Ystanbulda aýdan meri kúrdtermen baılanysy bar dep aıyptalǵan soń oppozıtsııa kóshege shyqty

<p>ASTANA. KAZINFORM &ndash; Ystanbuldyq saıasatker Ahmet Ozerdiń qamaýǵa alynyp, qyzmetinen shettetilýi oppozıtsııanyń ashýyn týdyrdy. Bılik ony 23 qazanda Ankara mańyndaǵy lańkestik úshin jaýapkershilikti óz moınyna alǵan Kúrdistan jumysshy partııasyna &laquo;qatysy bar&raquo; dep aıyptap otyr, dep habarlaıdy&nbsp;<a href="https://ru.euronews.com/my-europe/2024/11/01/ru-istanbul-mayor-arrest-pkk?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">Euronews</a>.</p>

Ystanbulda júzdegen adam qalalyq aýdandardyń biriniń meriniń zańsyz Kúrdistan jumysshy partııasymen baılanysy bar degen aıyppen tutqyndalyp, qyzmetinen alynýyna narazylyq bildirý úshin jınaldy.

Sársenbi kúni Ystanbuldaǵy halyq tyǵyz ornalasqan Esenıýrt aýdanynyń ákimi, oppozıtsııalyq Respýblıkalyq halyq partııasynyń múshesi Ahmet Ozerdi lańkestikpen kúres polıtsııasy ustady.

Beısenbide úkimet Ozerdiń ornyna Ystanbul provıntsııasynyń vıtseprefektin taǵaıyndady, bul bıliktiń Túrkııanyń ońtústik-shyǵysyndaǵy kúrdterdi qoldaıtyn merlerdi aýystyrý tájirıbesin eske túsirip otyr.

Kemalshylar kóshbasshysy Ozgıýr Ozel jáne basqa da saıasatkerler muny «tóńkeris» dep atady. Ystanbul meri Ekrem Imamoglý jáne Erdoǵannyń áleýetti básekelesi onyń odaqtasyna jasalǵan shabýyl – bıliktiń qalaǵa «baqylaýdy kúsheıtý» ádisi ekenin aıtty.

Bılik qala ákimdigi aldynda sherý ótkizýge tyıym salǵannan keıin demonstranttar Ystanbuldyń batys shetindegi Bosfor buǵazynyń Eýropa jaǵalaýyndaǵy Esenıýrt alańyna jınaldy.

Keıbireýler «Biz taǵaıyndalǵan merdi emes, saılanǵan merdi qalaımyz» degen jazýy bar transporanttar kóterip, prezıdent Erdoǵan úkimetiniń otstavkaǵa ketýin talap etti.

64 jastaǵy Ozer – ataqty áleýmettanýshy jáne burynǵy akademık. Naýryzda ótken jergilikti saılaýda ortalyq solshyl Respýblıkalyq halyq partııasy men solshyl kúrdterdi qoldaıtyn DEM arasyndaǵy beıresmı alıanstyń arqasynda ol Esenıýrt qalasynyń meri bolyp saılandy.

Osyǵan deıin Túrkııada 9 aıda quny 32,6 mlrd lır bolatyn kontrabandalyq taýar tárkilengenin jazǵan edik.