Ystanbulda alkogolden ýlanyp, kóz jumǵandar sany 38 adamǵa jetti

<p>ASTANA. KAZINFORM &ndash; Túrkııanyń eń iri megapolısinde alkogolden ýlanǵandar sany artyp jatyr, dep habarlaıdy Kazinform agenttiginiń &nbsp;menshikti tilshisi.</p>

Qazirgi ýaqytta qalalyq aýrýhanalarǵa 92 adam emdelýge júgindi, olardyń 38-i dárigerlerdiń kúsh salǵanyna qaramastan qaıtys boldy. Zardap shekken taǵy 26 adam jansaqtaý bóliminde jatyr jáne jasandy tynys alý apparatyna qosylǵan.

Ystanbuldyń Gıýngeren, Beıoǵly, Bakyrkeı jáne Bashakshehır aýdandarynda jalǵan spırtten ýlaný oqıǵalary tirkeldi. Onda zardap shekkender aýyr ýlaný belgilerimen aýrýhanalarǵa jetkizildi.

Aldyn ala málimet boıynsha, jasandy alkogoldiń quramynda bolǵan metanoldyń ýly áserinen ýlaný kúdigimen aýrýhanaǵa jatqyzylǵan 88 adamnyń 38-i qaıtys boldy. Qaıtys bolǵandar arasynda Túrkııanyń ókilderi men Ózbekstannyń 6 azamaty bar.

Sońǵy jyldary elde jalǵan alkogolden ýlaný oqıǵalary jıilep ketti. Sarapshylar muny zańdy alkogol baǵasynyń qymbattaýymen baılanystyrady. Sonyń saldarynan keıbir adamdar arzanyn satyp alýǵa barady.

Jergilikti bılik qaýipti alkogoldi taratýdyń barlyq kózin anyqtaý úshin tekserýdi kúsheıtip, tergeý jumystaryn bastady. Polıtseıler reıd júrgizip, ónim óndirýge jáne satýǵa qatysy bar kúdiktilerdi ustaý ústinde.

Ystanbulda quqyq qorǵaý organdary toǵyz kúdiktini ustady. Olardyń úsheýi jaýap bergennen keıin bosatyldy, altaýyna qatysty tergeý jalǵasyp jatyr.

Jalpy, sońǵy birneshe kúnde polıtseıler 32 862 lıtr zańsyz metıl jáne etıl spırtin tárkiledi. Tárkileý Sultanǵazı, Fatıh, Bakyrkeı, Kıýchýkchekmedje, Chataldja, Esenıýrt, Zeıtınbýrný jáne Beıkoz aýdandarynda boldy. Jedel is-sharalar barysynda sondaı-aq 227 bótelke kontrafaktilik alkogoldik sýsyn men ony aıdaıtyn jabdyq anyqtaldy.

Túrkııada jalǵan alkogolden zardap shekkender sany áli artyp, sońy qaıǵyly jaǵdaıǵa ulasyp otyrǵanyn jazǵan bolatynbyz.