Ystambulda 17 adam qoldan jasalǵan ishimdikten ýlandy

<p>YSTANBUL. KAZINFORM &ndash; Ystambulda qoldan jasalǵan alkogoldi ishimdikten ýlanǵandar sany artyp otyr. Qazirgi tańda 17 adamnyń kóz jumǵany belgili boldy, al aýrýhanada jatqan 22 adamnyń hali múshkil, dep habarlaıdy Kazinform agenttiginiń menshikti tilshisi.</p>

Túrkııa ishkis ister mınıstrliginiń habarlaýynsha, ýlanǵandar metanol qosylǵan ishimdikti tutynǵan.

Metanol – ishimdikti zańsyz, qoldan jasaıtyndar arzan ónim shyǵarý úshin paıdalanatyn ýly zat. Metanoldy tutynǵan adam ýlanyp qana qoımaı, soqyr bolyp qalýy da yqtımal. Onyń azdaǵan mólsherin tutynǵannyń ózinde adam ómirine qaýip tónedi.

Qazirgi tańda polıtsııa spırtti ishimdikterdi zańsyz jasaý jáne ony saýdalaýshylardy anyqtaý úshin aýqymdy reıdter júrgizip jatyr. Kúsh-qýat qurylymdarynyń operatsııalary barysynda mol kólemde qoldan jasalǵan alkogoldi ónimder tabyldy.

Ystambulda alkogoldi ishimdikti qoldan jasap, satty degen kúdikpen 8 adam ustaldy, 6 adam sottyń baqylaýynda, 11 adam bosatyldy.

Shıshlı, Beıoglý, Fatıh, Kagıthane, Esenıýrt, Sýltangazı, Bakyrkeı, Ýskıýdar jáne Ýmranıede 46 adam medıtsınalyq kómekke júgingen.

Túrkııa bıligi azamattarǵa alkogoldi ishimdikti tutynýda abaı bolýǵa shaqyryp otyr.

Osyǵan deıin Túrkııa polıtsııasy Ystambulda 3,6 mln jalǵan eýro tárkilegeni týraly jazǵan edik.